भारत सरकारं तालिम ब्यूगु मखु : माओवादी

येँ (झीगु स्वनिगः)

एकीकृत नेकपा माओवादीं थःपिनिगु पार्टीयात द्वन्द्वकालय् भारतं तालिम ब्यूगु धइगु बुखँ पुष्टि यायेत ख्याच्वः नापं ब्यूगु दु । पार्टी मू ज्याकू पेरिसडाँडाय् म्हिगः सञ्चारकःमिपिंलिसे खँल्हाबल्हा यानादिसें माओवादी प्रबक्ता दिनानाथ शर्मां दरबारया पूर्वसैन्य छ्याञ्जें च्वयादीगु सफूया अंश धयादिसें गुलिखय् पत्रिकां छापय् याःगु बुखँ भारतीय सरकारं हे खण्डन यायेधुंकूगु धयादीगु दु । वय्कलं माओवादीविरुद्ध याइगु गलत प्रचारबाजीया छगू श्रृङ्खला बाहेक बुखँय् छुं सत्यता मदुगु प्रष्ट यानादीगु दु । वय्कलं माओवादीदथुइ लानाच्वंगु द्वपं पुष्टि यायेत ख्याच्वः नापं बियादीगु दु ।