शान्ति मिशनं नेपाः छख्य लाइगु सम्भावना

गैर लोकतान्त्रिक प्रकृयां गठन जूगु कामचलाउ माधव कुमार नेपालया सरकारया कारणं नेपाः छख्य लाइगु सम्भावना अप्वयाः वःगु दु । अनमिनया कारणं नेपाः न्हापाहे यक्को वदनाम व विवादास्पष्ट देशया घलखय् लाये धुंकूगु नेपाः आः हानं सुडान मिशनया कारणं राष्ट्रसंघया मिखाय् नेपाः भ्रष्ट व कमिशनखोर तय्गु देश जूगु दु । शान्ति स्थापनाया नितिं सुडानय् वनाच्वंपिं नेपाल प्रहरीया नितिं छ्वःगु ४४ करोड ७३ लाख ७२ हजार सामान छ्वःगुली ३० करोड ४४ लाख २९ हजार ३१० तकाया घोटाला जूगु व गुलान्ह्यः अख्तियारयात कारवाही न्ह्याकेत उजं व्यूगु लिपा नं अख्तियारं अनुसन्धान प्रकृयाय् दु धाःसां यथार्थय् अनुसन्धान प्रकृया न्ह्याकूगुहे मदु । थुकिया कारण नं मेगु मजुसे उपप्रधान व परराष्ट्रमन्त्री सुजाता कोइराला जुयाच्वंगु खनेदु । अनुसन्धान प्रकृया न्ह्याकल कि कन्हे वनाः कारवाही यायेगु खा वइ । कारवाही याकेगु पक्षय् सुजाता जक मखु सिंगो नेपाली कांग्रेस मदु । गुगु खँ सिद्धान्ततः गलत जक मखु, नेपाली कांग्रेयाहे हितय् मदु ।
शान्ति मिशनय् सुडानय् खटय् जुयाच्वंपिं प्रहरीतय्गु नितिं धकाः वन्दोवस्तीया सामान कथं ५० करोडया टेण्डरय् सुजाता कोइरालाया मिखा वन व वंगु पासपोर्टं नयेगु सुरशार वसय् यानाच्वंसां अन्तत, उगु टेण्डरहे रद्द जुइवं सुजातां नयेत स्वयाच्वंगु करीव ५ करोड कमिशन नयेमखन । थुकियाकथं थः जिलाजं नकेत उगु टेण्डर ल्हातय् कयाः करीव ४४ करोड ७३ लाख ७२ हजारया सामान सुडा छ्वल । ज्या मवःगु उगु सामानया खास मू १४ करोडया खः । थुकिं सुजाता व उया जिलाजं नं ३० करोड ४४ लाख २९ हजार ३१० तका ध्यबाया घोटाला याःगु सीदत । उगु सामानय् न्यागः एपिसी, प्यंगु जीप, लाइफलाइन ज्याकेट, हेल्मेट लगायत दुगु खः ।

तर सुडान थ्यंगु सामनया जााचबुझ याःवलय् सामान दक्को स्यंगु व सेकेण्ड हायण्ड जूगु खँ पिहां वयेवं राष्ट्रसंघया प्रतिनिधि पिसंनं जाचाबुझ यानाः उगु सामानत प्रयोग याये मफैगु -नन् फक्सनल) धकाः रिजेक्ट याना विल । थुकिं नेपाः देश व जनताया नितिं तःधंगु विदम्बना व दुःखया खँ जूगु दुसा सरकारं नाजवाफ जुयाः च्वनाच्वंगु अवस्थाय् गुला न्ह्यः लेखासमितिं सरकारयात तत्काल सामान न्यानाः छ्वयेमाल धाःसां सरकारं अनेक किथंया त्वह तयाः उगु सामान मछ्वः, आः वया शान्ति मिशनं नेपाःया विदावाजी बिया हइगु सम्भावना न्ह्यःने वयेवं समितिं हानं ताकेता याःयां तत्काल सामान न्यानाः छ्वयेगु धाःगु दु । तर थन नं छक्वः छ्वये धुंकूगु सामानत हानं छ्वयेगु जरुरत मदु धकाः खुद कोइरालां पंगः थंगु खः । उकी सन प्रधानमन्त्री माधवकुमार नेपाल नापं सुजाताया पतिंचां वचय् जुइगु नितिं छटपति शुरु जूगु स्वये सुडानया मिशनं तःम्हय्सित हे सालाकाइगु खनेदु । सुडानया थुगु काण्डं नेपाः व नेपाःया सरकारयात तःधंगु बदनाम जुल, नाप नापं शान्ति मिशनं नं नेपाः छख्य लाइगु सम्भावना न्ह्यःने वःगु दु ।

More Stories Like this