फिया खानीइ ल्हानाः न्याम्ह मन्त

येँ (झीगु स्वनिगः)

बझाङया व्यासी १ या ढद्यकनेडाँडा लागाया फि खानीइ फिं ल्हानाः न्याम्ह मनूत सीगु दुसा स्वम्ह घाःपाः जूगु दु । फि खानीइ फि काःवंगु इलय् ल्हानाः कडेल गाविस वडा नं. ३ या ४५ दाया चक्र सार्की, ३० दाया दिपक सार्की, २५ दाया किटीदेवी केसी व १३ दाया बसन्तदेवी केसी सीगु खः धकाः प्रहरीं धाःगु दु । उगु घटनाय् लानाः कडेल ३ या मन सार्की, जन सार्की व जल सार्की तसकं घाःपाः जूगु दु । घाःपाः जूपिनिगु वासः यायेगु ज्या जुयाच्वंगु दु धकाः बझाङया डीएसपी डिल्लीराज बिष्टं जानकारी बियादीगु दु । घाःपाः जूपिन्त स्थानीय अस्पतालय् वासः यायेगु ज्या जुयाच्वंगु दु ।

स्थानीय हरिचन्द्र पुजारीया छेँ दनेगु नितिं इपिं फि काःवंगु इलय् अथे दुर्घटना जूगु खः । सदरमुकाम चैनपुरं छन्हुया न्यासि वनेमाःगु लागाय् अथे दुर्घटना जूगु खः ।

More Stories Like this