कंसाकार विरुद्धया मुद्दा षड्यन्त्रमूलक : जागरण मञ्च
नेवाः जागरण मञ्चं अख्तियार दुरुपयोग अनुसन्धान आयोगं नेपाल वायु सेवा निगमया कार्यकारी अध्यक्ष सुगतरत्न कंसाकारात भ्रष्टाचार याःगु धासें तःगु मुद्दा पूर्णत षड्यन्त्रमूलक जूगु ठहर याःगु दु ।
जागरण मञ्चया कजि सुजीव बज्राचार्यं बिहीवाः छगू विज्ञप्ति पिथनाः कंसाकारयात विमान न्यायेगु खँय् सम्बन्धित विक्रेता कम्पनीयात हे सम्झौता कथं बैना रकम छ्वःगु खँय् भ्रष्टाचारया द्वपं बियाः मुद्दा दायर याःगु ज्या पूर्णतः षड्यन्त्रमूलक जूगु खँ धयादीगु दु ।
राज्य सत्ताया लिधंसाय् कानुन व कानुनी निकायतय्त थःगु स्वार्थय् छ्यला वयाच्वंपिं कुतत्वतय्गु थुज्वःगु कथंया षड्यन्त्र याःगु धासें मञ्चं उकीया भर्त्सना याःगु दु ।
विज्ञप्तिइ अज्याःगु षड्यन्त्रं छम्ह होनहार राष्ट्र सेवकया चरित्र हत्या यायेगु, नेपाल भ्रमण दँया न्ह्यःने निगमयात विमानरहित दयेकूगु व नेवाः समुदायया छम्ह विशिष्ट व्यक्तियात हःताः जूगु न्ह्यथनातःगु दु ।
अथेहे मञ्चं थुगु ज्यां यानाः नेपाः दुने आन्तरिक वितण्ड थनाः विदेशीतय्सं छुं कथंया फाइदा कासाः वा नेपालं ध्यबाय् नं बेफाइदा सह यायेमासाः उगु खँया जिम्मेवारी नं उज्वःपिं कुतत्वतय्सं हे बेहोरे यायेमालीगु ख्याच्वं तकं ब्यूगु दु ।
Related Stories
कंसाकार जेल चलान सुगतरत्नया समर्थनय् जुलुस कंसाकारयात कारवाही विरुद्ध नेवाःत सतकय् कंसाकार विरुद्धया कारवाही खारेज यायेत नेवाःतय् माग कंसाकारया पक्षय् संघर्ष यायेत समिति गठन 'कंसाकार प्रकरण इमान्दार नागरिकत प्रति जूगु षड्यन्त्र' फ्रान्सया एयरवस कम्पनीं बैना लितबिलMore Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
