माल्दिभ्स समुद्रय् डुबेजुइगु खतरा
येँ (झीगु स्वनिगः)
विश्वया दकले क्वय् च्वंगु देश कथं नालातःगु माल्दिभ्स समुद्रय् डुबे जुइगु सम्भावना झन झन अप्वयाः वःगु दु ।समुद्री सतहलं थ्यंमथ्यं साढे १ मिटर जक च्वय् लाःगु माल्दिभ्स समुद्रया सतह अप्वयाः वःगुलिं डुबेजुइगु सम्भावना झन झन अप्वयाः वःगु दु ।
विश्वय् तापक्रम अप्वया वःगुलिं समुद्री सतह झन झन च्वय् वःगुलिं अथे खतरा अप्वयाः वःगु जुयाः माल्दिभ्सं चा फितकं न्यानाः कायेत्यं दु । माल्दिभ्स सरकारं अथे चा न्यायेगु प्रस्ता तःगु खः । वंगु वालय् कोलकता थ्यंम्ह बंगलादेशया वाणिज्यमन्त्री मोहम्मद फारुक खानं धयादिल 'निगू हे देय्या मंकाः कमिटीं थुकिया बारे अनुसन्धान यानाच्वंगु दु । ३ निसें ४ लाया दुने सम्झौता यायेगु जुइ ।' माल्दिभ्सय् आः १२ सय टापु दु । अनया नागरिकत समुद्रय् डुबेजुइ धकाः तसकं ग्यानाच्वंगु दु ।
