थौं खुक्वःगु मिस नेवाः जुइगु

इन्टरनेट मार्फत नं तप्यंक प्रसारण जुइगु

नेपालिज फेशन होमया ग्वसालय् दँय्दसं जुयाच्वंगु मिस नेवाः कासाया थौं लिपांगु धेंधें बल्ला जुइत्यंगु दु । नेवाः मिसापिनिगु प्रतिभा न्ह्यब्वयेगु तातुना न्ह्यानाच्वंगु थुगु मिस नेवाः कासा थ्व खुक्वःगु खुसि खः । थौं येँया प्रज्ञाभवनया दबुलिइ जुइत्यंगु थ्व कासाय् थुगुसी स्वीखुम्ह नेवाः मय्जुपिंसं ब्वति कयाच्वंगु दु ।

थौं मिस नेवाः अन्तिम दिनया ज्याझ्व:या लागि तयारी दक्वं सिधये धुंकूगु खँ धाःगु दु ।

थगुनेनिसें न्ह्याकूगु अनलाइन भोटिङ थुगुसी नं
नेपालमण्डल डटकमं या:गु दुसा थुगु कासाय् अन लाइन भोटिङपाखें दक्कले यक्व भोट काःम्ह मय्जुयात ''भ्युवर च्वाइस''या उपाधिं छाय्पीगु जूगु दु ।

थौं न्हिनसिया ३:०० इलंनिसें न्हयाइगु थुगु ज्याभ्वः सगरमाथा टि.भीं तप्यंक प्रसारण याइगु ख:सा न्हापांखुसी थुकीयात नेपालमण्डल डटकमं नं हलिंन्यंकया स्वकुमिपिनिगु लागिं इन्टरनेट मार्फत तप्यंक प्रसारण जुइगु जूगु दु । थुकिया लागि क्वयच्वंगु थ्व लिंक क्लिक याना स्वयेफइ ।

http://www.nepalmandal.com/missnewa

More Stories Like this