हिमवायु अमेरिकापाखें क्यानाडापाखे

न्यूयोर्क (एएफपी)

ग्यानापूगु वा फय्लिपा जूगु तच्वःगु पू गाया उत्तरपूर्वी अमेरिकी इलाकात पूर्ण प्रभावित जूगु व न्यूयोर्कया फुक्क विमानस्थल बन्द जुइगुया लिसलिसे झिगू लाखं मल्याक यात्रुतय्गु भर दुगु स्थल यातायात नापं अबरुद्ध जूगु दु । थुकि यानाः कि्रसमस बिदा मानय् याःपि लिसे मेमेगु द्रुत सेवा व्यवसायी नापं बांमलाक्क प्रभावित जूगु दु । वंगु आइतबाः सुथंनिसें हे न्ह्याःगु वा फय् सोमबाः सनिलय् जक मत्थर जूगुलि राजमार्गय् फसय् जूगु गाडीत व सार्वजनिक यातायात हाकनं बुलुहुँ चालु जूगु व अनंलिपा पू गायाः हवाई लिसे स्थल यातायात हाकनं ठप्प जूगु खः ।

उगु पू गायाः सोमवाः बहनीनिसें हाकनं दनाः क्यानाडापाखे चिलावंगु व अनं नं तच्वःगु पू गायाः जनजीवन अस्तव्यस्त जुयाः वयाच्वंगु दु । थुगु पूर्व अमेरिकाया बोस्टन फिलाडेल्फिया डेलावेर मेरिल्यान्ड मास्साच्युसेट्स नर्थ कारोलिन रोहड आइजल्यान्ड व भर्जिनियाय् नापं आपालं पू गायाः प्रभावित याःगु खः । अथेहे जर्जिया राज्यया एट्लान्टा महानगरं थःगु सच्छि व नीच्यादँया इतिहासय् न्हापांगु खुसिइ तच्वयेक पू गाःगुया लिसलिसे स्वेत कि्रसमस पर्व हंगु खः ।

More Stories Like this