हात्तीदौडया उपाधि चम्पाकलीयात

चितवन (झीगु स्वनिगः)

चितवनया सौराहाय् साचालित अन्र्तराष्ट्रिय हात्तीदौडया उपाधि होटल बाराही पोखराया चम्पाकलीं त्याकूगु दु । फाइनल चरणय् दुहाँ वंगु खुम्ह किसि दथुइया धेंधेंबल्लाः कासाय् न्याम्ह किसियात ल्यूने लाकाः चम्पाकलीं उपाधि त्याकूगु खः । धेंधेंबल्लाः कासाय् सिजन फुड्सया व्यूटीकली ल्यू लाःगु दुसा हिमालयन इन्काउन्टर बेलायतया पृथ्वीकली लियांल्यू लाःगु खः । हात्ती महोत्सब अन्तर्गत म्हिगः जूगु डुया दौडय् चित्रसेन मध्यवर्ती सामुदायिक बनया डुया न्हाप लाःगु दु । दिपक बोटें कयेकूगु सामुदायिक बनया डुया न्हापा लाःगु खः । अथेहे होमबहादुर बोटें कयेकूगु नेचर गाईड एशोसिएसनया डुया ल्यू व ऋषी बोटें कयेकूगु मृगकुाज उपभोक्ता समितिया डुया लियांल्यू लाकेत ताःलाःगु खः ।
हात्ती महोत्सब अन्तर्गत जूगु टागा दौडया फाइनलय् हिरो पावें कयेकूगु गि्रन सोसाईटी नेपालया टागा न्हाप लाःगु दु । बि्रजन माझीं कयेकूगु रेडियो चितवनया टागा ल्यू व साजय शाहं कयेकूगु रेडियो नारायणीया टागा लियांल्यू लाःगु दु ।

अथेहे गाडा ब्वाज्याय् जामुन महतों कयेकूगु गि्रन मेन्सन जंगल रिसोर्टया गाडा न्हाप लाःगु दु । डिमरा चौधरीं कयेकूगु रोयल पार्क होटलया ल्यू व लक्ष्मण श्रेष्ठं कयेकूगु चितवन रिभर साईड रिसोर्टया गाडा लियांल्यू लाःगु दु । अथेहे श्रृङगार धेंधेंबल्लाः कासाय् चाचलकली न्हाप व धिरेन्द्रकली ल्यू लाःगु खःसा कासाय् स्वकुमिपिनिगु आपालं ब्वति दुगु ग्वसाः खलकं जानकारी ब्यूगु दु ।

More Stories Like this