संविधान संघीयता व शान्ति सुनिश्चित यायेत माग

येँ (झीगु स्वनिगः)

संविधान संघीयता व शान्ति सुनिश्चित यायेत माग यासें पोखराय् दुपि तमुतय्सं ल्होसारया र् याली लिसलिसे सभा क्वचायेकूगु दु । तमु धि नेपाल तमु प्येल्हु संघ व बौद्ध अघौ सदनया मंकाः ग्वसालय् दवाब मुलक र् याली लिसे सभा क्वचाःगु खः । एकीकृत नेकपाय् माओवादी सभासद् देव तमुं देशय् थौंकन्हय् नईपं वर्गया निति जक संविधान दयेकूगु व दुःखी गरिबया पक्षय् गबलें हे संविधान दयेके मफूगु धासें आःया संविधान किसान मजदुर व गरिब वर्गया हितय् दयेकीगु विश्वास प्वंकादिल ।

अथेहे एमाले सभासद किरण तमुं तमुवान वइगु खँय् शंका मदुगु तर आःया अवस्थाय् संविधान दयेकीगु सम्भावना हे मदुगु धयादिल । कांग्रेसया सभासद सूर्यमान तमुं तमु जाति न्ह्याथाय् च्वंसां नं फुक्कसितं थःथःगु हे भाषा संस्कार व संस्कृति ल्वःमंके मज्यूगु बिचाः तयादिल ।