एकीकृत नेकपा माओवादी स्थायी समिति बैठक हाकनं थौं

येँ (झीगु स्वनिगः)

लिपांगु राजनैतिक अवस्था व पार्टीया आन्तरिक विषयसं सहलह यायेत च्वंगु एकीकृत नेकपा माओबादीया स्थायी समिति बैठक थौं हाकनं च्वनेगु कथं म्हिगःया निति क्वचाःगु दु । पार्टी मू ज्याकु पेरिसडाँडाय् च्वंगु वैठकय् कार्यविभाज कार्ययोजना थ्वहे पुस १६ गतेनिसें जुइगु आन्तरिक राजनीतिक प्रशिक्षण लगायतया विषयसं सहलह जूगु पार्टी प्रबक्ता दिनानाथ शर्मापाखें म्हिगः हे सनिलय् पिथंगु विज्ञप्तीइ न्ह्यथनातःगु खः । कार्यविभाजन सम्बन्धि क्वछीत थ्व स्वयाः न्ह्यः हे मू छ्यान्जे रामबहादुर थापा बादलया कजित्वय् छगू कार्यदल दयेकूगु खः ।