एमआरपीइ उपल्लो मुस्ताङया किपाः

म्याग्दी (झीगु स्वनिगः)

आइतबाःनिसें वितरण यायेगु ज्या न्ह्याकूगु मेसिन रिडेबल पासपोर्ट एमआरपी या प्रतिकात्मक किपाय् उपल्लो मुस्ताङया किपाः तयातःगुलि मुस्ताङया पर्यटन व्यवसायीत उत्साहित जूगु दु । एमआरपीइ मुस्ताङया किपाः कःघाःगुलि मुस्ताङ लिसे धौलागिरीया मेमेगु जिल्लाय् नं पर्यटकतय्गु आगमनय् वृद्धि यायेत ग्वाहालि जुइगु नेपाल उद्योग वाणिज्य महासङ्घया केन्द्रीय दुजः लिसे धौलागिरी अञ्चल प्रतिनिधि प्रमोद श्रेष्ठं धयादिल ।

एमआरपीइ उपल्लो मुस्ताङया किपाः लाःगुलि नांजाःगु पर्यटकीय क्षेत्रया म्हसीका जूगु धासें थज्याःगु प्राकृतिक सम्पदाया प्रचार प्रसार यायेफूसा पर्यटन प्रबद्र्धन यायेत थप ग्वाहालि जुइगु मुस्ताङया स्थानीय बासिन्दां धाःगु दु । प्रतिकात्मक किपां: उपल्लो मुस्ताङया महत्वयात विश्वया न्ह्यःने म्हसीका जूगुलि पर्यटन दँ - २०११ यात ताःलाकेगुलिइ थुकियापाखें छु नं छुं भूमिका अवश्य हे जुइगु पर्यटन व्यवसायीं अपेक्षा याःगु दु ।

More Stories Like this