कानूनया फन्दाय् सुजाता

कानूनयात सतकय् म्हितेगु गुच्चा वा यकंधाला तायेका वःम्ह सुजाता थौं कानूनया हे फन्दाय् लाःगु दु । कानूनयात थः बौया जाय्जेथा तायेकाः अपराधिक गतिविधि करोडौं धेबा कमय् यानावयाच्वंम्ह थः जिलाजं रुबेल चौधरीयात नेपाली कांग्रेसया हे जिलाजं जूगुलि कारबाही जुइमखु धकाः धक्कु त्वःताः जूम्ह सुजाता कोइरालायात झिन्यान्हुया दुने लिखित जवाफ बीत सर्वोच्चं सःतूगु दु । सुजाता लगायत प्रधानमन्त्री माधव नेपाल गृहमन्त्री भीम रावल व प्रहरी प्रमुख लगायतिपंत विपक्षयानाः अधिवक्ता गेहेन्द्रबहादुर खत्रीं वंगु विहीवाः सर्वोच्चय् रिट दायर याःगु खः । उप-प्रधान व परराष्ट्रमन्त्री सुजाता कोइराला जोस्तं थः जिलाजंयात गुगु नं हालतय् कारबाही मयाकेगु धयागु सार्वजनिक वक्तव्यं बियाः कानूनी राज्यया अवधारणायात खुल्लेआम हाथ्या ब्यूगु दु । ल एण्ड अर्डरया खँ ल्हाःसां उकियात गबलें हे मानय् मयाइम्ह सुजातायात सर्वोच्चया थुगु स्पष्टीकरण प्रकि्रयां गन व गुथाय् तक्क सालाः यंकीगु खः - व धाःसा स्वयेत छुं ई पीहे मानिसां कानून स्वयाः च्वय् धाईपं कोइराला परिवारयात सर्वोच्चया थुगु पलाखं कानून स्वयाः सुं नं मनू च्वयेमलाः धकाः पाठ स्यनेमाःगु जरुरी जूगु दु ।

अथेला रिट तःम्ह खत्रीया धापूकथं द्वपं ब्यूपि मध्ये मू अभियुक्त रुबेल चौधरीया अपराधिक ज्याखँयात कयाः अनुसन्धान प्रकि्रया न्ह्याकेत माग याःगु खः । तर सर्वोच्चं उगु मागयात त्वःताः विपक्षीतय्त लिखित स्पष्टीकरण जक फ्वनेगु प्रकि्रया न्ह्याकूगु दु । अनुसन्धान मयासें लिखित स्पष्टीकरण जक फ्वनेगु प्रकि्रया न्ह्याकूगु दु । मन्ह्याकुसे लिखित स्पष्टीकरण जक छु उद्देश्यं कायेगु धाल धयागु खँ स्पष्ट मजू । अपराधिक ज्याखँय् अनुसन्धान न्ह्याकेगु थासय् लिखित स्पष्टीकरणं छु यायेत्यंगु धयागु खँ नं भचा स्वत्तुमत्तु स्वःगु हे धायेमाः । छाय्धाःसा रिट दायरयाःम्ह प्रतिवादीतय्त बयान बीकेगु स्वयाः रुबेल चौधरीया अपराधिक ज्याखं सम्बन्धि सत्य तथ्य मुंकेगु खः । व थुकिया निति माःगु ज्या धयागु अख्तियार वा मेगु छुं नं जिम्मेवार निकाययात अनुसन्धान न्ह्याकेत उजं बीगु खः । तर अथे मयासे झिन्यान्हुया दुने अध्ययन अनुसन्धान ज्या मन्ह्याकल धाःसा वा अभियोगीयात खुल्ला त्वःताः विपक्षीतय्त जक स्पष्टीकरण कायेगु ताःहाकःगु प्रकि्रयालिपा विदेशी रुबेल चौधरीं नेपाः त्वःताःवनी मखु धकाः धायेफैमखु । थःयात मिछंनीगु अवस्था वयेवं रुबेल चौधरी नेपालय् च्वनाच्वनी हे मखु । थ्व अपराधी बिसुकेगु प्रकि्रया जकं मजुइला न्ह्यसः स्वभाविकरुपं दनावइ ।

रुबेल चौधरीया गुलिखय् गैरकानूनी ज्याय् खुद सुजाता कोइराला थः नं तःक्यनाच्वंगु स्थितिइ कानूनप्रति वय्कःया सामान्य ज्ञान स्वयाः धाकधम्की व पद प्रतिस्थां प्रभावित यायेगु ज्या याःगु दु । रुबेल चौधरीया विरुद्ध मिडियात कुहां वयेवं सुजातां थः जिलाजंया विरुद्ध छुं नं कथंया कारबाही मन्ह्याकेत प्रधानमन्त्री व गृहमन्त्रीयात ठाडो आदेश ब्यूगु थनं लुमंकेबहःगु उगु आदेशलिपा कामचलाउ सरकारपाखें छुं नं कथंया कारबाही जुइगु खँय् नेपाःमि जनतायात शंका हे दु । गनतक्क अख्तियारया खँ दु अख्तियारया प्रमुख कांग्रेस समर्थक जक मखु खुद सुजाता हे सिफारिसय् उगु पदय् वःम्ह खः । थुगु कथं अख्तियारपाखें छुं नं कथं कारबाही याइगु झन् हे सम्भावना मदु । थुगु कथं स्वयेबलय् झिन्यान्हुलिपा सर्वोच्चपाखें छु गुगुकथं सुजाता व रुबेलया विरुद्ध कारबाही न्ह्याकीगु जुइ स्वयेत पी मानिसां रुबेल चौधरी बिसुं मवंकेत माःगु प्रकि्रया न्ह्याकीगु खःलाकि मखु ?

More Stories Like this