थनीनिसें न्हिया न्हिथं २७ दलया मुँज्या
येँ (झीगु स्वनिगः)
थनीनिसें संविधानसभाय् दुथ्याःगु २७ दलया मुँज्या न्हिया न्हिथं याइगु जूगु दु । व्यवस्थापिका संसदया सभामुख नापं संविधानसभाया नायः सुवास चन्द्र नेम्वाङं म्हिगः मंगलवाः सःतादीगु २७ दलया मुँज्याय् न्हूगु संविधान निर्माणया निितं बिवाद जुयाच्वंगु विषय ज्यंकाः वनेगु निितं थौं बुधवाःनिसे। न्हिया न्हिथं सुथय् ८:३० ताः इलंनिसें मुँज्या च्वनेगु जुइ धकाः जानकारी बियादीगु खः । सभामुख नेम्वाङं तःन्हु न्ह्यःनिसें सःताः च्वंगु उगु मुँज्याय् अथे जानकारी बियादीगु खः धकाः छम्ह नेतां कनादीगु दु ।
संविधानसभाया थीथी विषयगत समितितपाखें तयार याःगु प्रतिवेदनया झ्वलय् विवाद जूगु २२० गू विषयत मध्ये उच्च स्तरीय राजनीतिक कार्यदलं १२७ गू सहमति याःगु खःसा आः ८३ गू ल्यंदनि । अथे न्हय्गू दलया कार्यदलं सहमति याःगु नापं ल्यंदनीगु विवादित विषयसं सहमति ब्वलंकाः न्हूगु संविधानया मस्यौदा दयेकेत संविधानसभाया संवैधानिक समितिइ छ्वयेगु निितं माःगु तयारी यायेत धकाः थनिनिसें अथे २७ दलया मुँज्या लगातार च्वनेत्यंगु खः ।
