प्रतिक्रान्तिकारीतय्गु चलखेल अप्वल
येँ (झीगु स्वनिगः)
एकीकृत नेकपा माओवादीया नायः पुष्पकमल दाहाल प्रचण्डं आःया अवस्थाय् प्रतिक्रान्तिकारीतय्गु चलखेल अप्वयाः वल धकाः धयादीगु दु । वय्कलं देशय् राजनीतिक अवस्था तरल जुजुं वनाच्वंगु अवस्थाय् छुं यायेफैला धकाः प्रतिक्रान्तिकारीतय्गु चलखेल अप्वयाः वःगु खः । माओवादीया नायः प्रचण्डं आःया अवस्थाय् कम्युनिष्टत धु्रबिकरण जुइमाः धकाः धयादिल । मंगलवाः म्हिगः येँय् जूगु छगू ज्याझ्वःया दथुइ वय्कलं अथे धयादीगु खः । माओवादीया सल्लाहकार हस्तबहादुर केसीं च्वयादीगु माक्स्रवादी दर्शन शास्त्रया रुप रेखा नांगु सफू बिमोचन ज्याझ्वलय् न्वंवासें माओवादीया नायः प्रचण्डं प्रतिक्रान्तिकारीतय्गु चलखेल अप्वया वःगुलि सचेत जुइमाः धकाः नं धयादिल ।
वय्कलं धयादिल आःया अवस्थाय् नेपाःया कम्युनिष्टत धु्रविकरण जुइमाःगु अवस्था वःगु दु । प्रतिक्रान्तिकारीत नं यक्व हे चलखेलय् न्ह्यःने वःगु दु । प्रतिक्रान्तिकारीतय्सं हे कम्युनिष्टतय्गु दथुइ ध्रुविकरणयात पनेगु कुतः यानाच्वंगु दु ।
