सभामुखपाखें न्हूगु लँपु ल्यल
कन्हय्निसें न्हिंन्हिं हे २७ दलया बैठक
येँ (सन्ध्या टाइम्स)/संविधान निर्माणया ज्याय् वयाच्वंगु पंगः चीकेगु लागिं धकाः गठन याःगु उच्चस्तरीय राजनीतिक कार्यदलया म्याद थपे मजुयाः कार्यदल निष्क्रिय जुइवं सभामुख सुभाष नेम्बाङं वहे ज्यायात निरन्तरता बीगु लागिं मेगु उपाय लुइकादीगु दु। वय्कलं उच्चस्तरीय कार्यदलं यानाच्वंगु वहे ज्या आः संविधानसभाय् दुथ्याःगु २७ गू दलयात जिम्मा बीगु कथंया ग्वसाः दयेकादीगु खँ सीदुगु दु।
थ्वहे विषयय् सहलह यायेत वय्कलं थौं सुथय् २७ दलया बैठक सःतादीगु खः ।
