गुगलं घाँय् चायेत मेशिन त्वःताः दुगुचा बालं काल

सर्च इन्जिन कम्पनी गुगलं थःगु क्यालिफोर्निया माउन्टेनभ्यूस्थित हेडक्वार्टरय् घाँय् चायेत मेशिन छ्यलेगु पलेसा निसःम्ह दुगुचा बालं काःगु दु । मेशिन छ्यलेवं कार्वन अप्वइगु व उकिया सलं वातावरणय् बांमलाःगु प्रभाव लाइगु जुयाः गुगुलं थुगु पलाः न्ह्याकागु खँ गुगलया रियल स्टेट निर्देशक ड्यान हफम्यानं थौं छगू ब्लग मार्फत जानकारी ब्यूगु दु ।

दुगुचां छ्यलेवं वातावरणय् बांमलाइगु लिच्वः मलाइगु व घाँय् चाये म्वायेक दुगुचां सकतां घाँय् नइगु जक मखु उगु ख्यलय् साः समेत दइगु जूगुलिं गुगल थुकिइ उत्साहित जूगु दु । मेशिनं घाँय् चायेगु व दुगुचा छ्यलेगु लगभग उलि हे खर्च वनीगु खँ गुगलं धाःगु दु । गुगलया कथं छवाःया दुने थ्व सकतां ज्या क्वचाइ ।

More Stories Like this