सियाटलय् यःमरि पुन्हि

थुगुसी अमेरिकाया सियाटल शहरय् च्वंपिं नेवा:तय्सं योमरि पुन्ही नख: झ: झ: धयेक हन | नेपालंनिसें चाकु मगे याना योमरी दयेका थथे नख: हने खना फुक्कं सिगु ख्वा चकंगु खनेदत |

बिशेष याना नेपा: त्वःताः विदेश च्वनाच्वंपिं नेवा:तय्सं मोहनी अले स्वन्ति थें तःधंगु नख: हनी तर थौंकन्हय् योमरि पुन्हि , घ्य:चाकू संह्लू थेंजाःगु नख: नं हनेगु यानाहगु दु |

थ:गु नख:चख: ला न्ह्याथाय् वंसां च्वंसा लुमंसे हे वइगु खनी , बिदेश वइगु १२ बर्ष दत थौं फुक्क नेवा : मुना योमरी पुन्हि हने खनाः जि ला सिक्कहे लय्ताः अले यक्को लिपा योमरी नयागु सवाः म्हुतुइ हे थात - सम्पूर्ण प्रजापतिं धैदिल । जितः ला खुवा दुगु अलें कचिला दुगु सिवें चाकु दुगु योमरि हे साः - नकतिनि प्यदँ दुम्ह इशिता श्रेष्ठया धापू खः थ्व ।

लच्छि मपाका वइगु झी नेवा: तय् नख : फुक्कं हने मखंसा इलं लाका थ:थे थ:गु संस्कृति यात छ्यले खना थ:गु दे ले थः परिवारपिं नापं तापाका च्वना नं विदेश च्वंपिं नेवा: त न्हिला म्वाना च्वंगु दु धैगुया दसि जुयाब्यूगु दु सियाटलया थुगुसिया यःमरि पुन्हि ।

More Stories Like this