पुष्पसदन व पाँगायात उपाधि

येँ (झीगु स्वनिगः)

निक्वःगु न्यू जेनिथ कप अन्तरविद्यालय बास्केटबल धेंधेंबल्लाः कासाया जुनियर ब्वाइजपाखे पुष्पसदनं व सिनियर ब्वाइजपाखे पाँगां म्हिगः उपाधि त्याकूगु दु । जुनियर ब्वाइजपाखे पुष्पसदनं पाँगायात १८ - १३ ल्याखं बुकलसा सिनियर ब्वाइजपाखे पाँगां राराहिलयात ६० - ४५ ल्याखं बुकूगु खः । जुनियर ब्वाइजपाखे पुष्पसदनया निमेश श्याड्डदाड्डं ५ लिसे सिनियर ब्वाइजपाखे पाँगाया सुरज मालीं १८ अंकया योगदान ब्यूगु खः । बूगु टिम पाँगाया राजिन महर्जनं ६ व राराहिलया विजेन महर्जनं २२ अंकया उच्च योगदान ब्यूसां नं पुचःयात बुकेगु पाखें ताःपाकेत ताःमलाःगु खः ।

धेंधेंबल्लाः कासाया जुनियरपाखे मस्ट भ्यालुएबल प्लेयर पुष्प सदनया प्रतिक श्रेष्ठ व उच्च स्कोरर न्यू जेनिथया सुगन महर्जन जूगु दुसा सिनियरपाखे पाँगाया सुरज माली मस्ट भ्यालुएबल प्लेयर व रुलेश महर्जन हाई स्कोरर जुइत ताःलाःगु खः । धेंधेंबल्लाः कासाय् सिनियर ब्वाइजपाखे व जुनियर ब्वाइजपाखे समान ८ - ८ टिमया ब्वति दुगु खः । त्यागु पुचःयात काठमान्डौ प्याबसनया नायः गोपाल आचार्य संस्थापक पिन्सिपल राजु महर्जन लगायतं सिरपाः इनादीगु खः ।

More Stories Like this