दलित समूह व सिर्जनात्मक समस्या

नेपालय् अथ्यहे २५ प्रतिशतया ल्याखय दलित जातीय समूह दु । इमि थःगु बाखं व्यथा अनुभव भोगाइ व अनुभूतित दु । जनसंख्याया २५ प्रतिशतया उपस्थिति विना हरेक क्षेत्र अपाङ्ग जुइ । नेपाली साहित्यया फुक्ककथंया पूर्णताया निति दलित समूहया उपस्थिति अनिवार्य जू । नेपाली साहित्यय् गुगु मात्रा व गहराइलय् २५ प्रतिशत जनसमुदायया प्रतिनिधित्व जुइगु आवश्यक खः उगुकथं जुयाच्वंगु धाःसा मदु । २५ प्रतिशत जनशक्ति क्षमता व प्रतिभायात व्यागलं तयाः नेपाली साहित्यया आयोजित सफलता जुइमफैगु कारणं थ्व गैरदलित समुदायया नं गम्भीर चुनौतीया पक्ष खः । दलित समूहया निति ला थ्व अस्तित्व रक्षाया न्ह्यसः जुइगु हे खः । चेतना व अनुभूतिया गइराइया निति उकिया समृद्धिया निति भौतिक समृद्धि अनिवार्य शर्त खः । उत्पादक शक्तितय्गु विकासलिसें ल्यूने लाःगु उत्पादन सम्वन्धया विघटन लिसे आम सामाजिक चेतना समृद्ध जुजुं वनी व उकिया झ्वलय्हे दलित समुहदाय नं चेतना व अनुभूतिया कुनं समृद्ध जुइ । तर साधना विना मौलिक समृद्धिं जक सृजनाया पक्षय् दख्यल सम्भव मदु व साधना यायेमा अन हे हस्तक्षेप याये मफैगु मखु । उकि मेमॆगु भौतिक वस्तुइ थें सृजनात्मक क्षेत्रय् आरक्षण वा विशेषाधिकार वियाः समस्याया समाधान सम्भव मदु ।

दक्षिण एशिया मूलतः हिन्दु धर्म व संस्कृति दिक्षित समाज खः । उर्दू व वौद्ध संस्कृति नं उलि हे पुलांगु व समृद्ध दु । थौंस्वयाः स्वीन्यादँ न्ह्यःनिसें ब्वनाः वःगु द्वीवेडी त्रिपाठी चतुर्वेदी आत्मातय्गु परिपक्व समृद्ध व आदत संस्कारयाहे रुपय् विकास जुयाः वःगु संस्कृति व चेतनास्तर छख्य दु । मेख्य आखः स्वयेगुलि विचत याःगु दलित समुदाय दु ।

More Stories Like this