फोरम हानं कुचादल

तराईया जनतायात मुक्ति बीगु धयाः वंगु संविधानसभाया चुनावय् न्ह्यःनेवःगु मधेसी मोर्चाया थीथी राजनीतिक घटकत छगू छगू यायां टुटफुटया अवस्थां न्ह्याःवनाच्वंगु । भारतयागु १० करोड लगानीं सतहलय् वःगु मधेसी जनअधिकार फोरम तराई मधेश लोकतान्त्रिक पार्टी सद्भावना लगायत पार्टीतय्सं नेपाःया ततःधंगु पार्टीतय्गु निति हाथ्याया रुपय् जक दंवःगु मखुकि निर्णायक अवस्थाय् बार्किङ्ग यानाः राजनीतिक लवः कायेगु ज्या यानावःगु दु । राजनीतिक घटकतय्गु संख्याया रुपय् प्यंगूगु थाय् कायेत ताःलाःसां मधेसी जनताया हकहितया विरुद्ध अनया पार्टी व नेतात वनाच्वंगु शत्य व तथ्यं जनता विश्वस्त जुजुं वयाच्वंगु अवस्थाय् मधेसी मोर्चाया थीथी घटकतय्सं आः ताःतक्क पुलांगु यथास्थितिवादयात निरन्तरता वियाच्वनेगु सम्भव मदये धुंकूगु दु । मधेसी दल व उकिया नेतात भारतया दलाल जुयावयाच्वंगु खँय् अनया जनतां वाःचायेकाः हयाच्वंगुया हे कारणं आः पार्टी तज्याइगु व न्हून्हूगु समूहत अस्तित्वय् वइगु खँ नेपालीतय्गु निति खास अजूगतिया विषय वस्तु मजुइधुंकूगु दु । मधेशवादी राजनीतिक दलतय्त भारतं न्ह्याक्कोहे थःगु नियन्त्रणय् तयाः प्याखं ल्हुइकेगु ज्या यानाच्वंसां अनया जनताया दवावया न्ह्यःने निरह व असहाय् थें खनेदयाच्वंगु दु । तराईया जनताया हकहितया विरुद्ध अले दिल्लीया खुल्लेआम निर्देशनय् न्ह्यानाच्वंगु मधेसी दलतय्गु नाङ्गोपना न्ह्यःनेवयेवं आमजनतां विश्वास यायेगु बुलुंबुलुं त्वःताः हयाच्वंगु दु । थुकिया लिपांगु घटना धयागु मधेसी जनअधिकार फोरम लोकतान्त्रिकया फुट खः ।

शुरुया इलय् ५३ म्ह सभासदपि दुगु फोरम भारतयाहे निर्देशन व करोडौंया लगानीयाहे कारणं उपेन्द्रयादवया फोरम कुचा दलाः उपप्रधानमन्त्री विजय कु । गच्छेदारं लोकतान्त्रिक पुच दयेकाः नीच्याम्ह सभासद्पि मुंकेफूगु खः । आः वहे बिजयकुमार गच्छेदारया मधेसी जनअधिकार फोरम लोकतान्त्रिक कुचा दलाः भौतिक योजना राज्य मन्त्री साजय शाहया नेतृत्वय् मधेस क्रान्ति फोरमू या नामं न्हूगु पार्टी सृजना याःगु दु ।
पार्टी तछ्यायेगु ज्या जूसां उकियात आधिकारिक रुप धाःसा कायेफूगु खनेमदुनि । पार्टी तछ्यानाः पिहां वःपि गच्छेदारया कोपभाजनया शिकार छु गुगुकथं जुइमालीगु खः धकाः डर त्रास दथुइ च्वनाः खुल्लारुपं वयेमफयाच्वंगु दुसा उखे गच्छेदार समूहं पार्टी तज्याःगु खँयात गैरराजनीतिक रुप वीत तल्लिन खनेदु । उकीसनं भारतं करौडौं ध्यबाहयाः सभासदतय्त फै दुगुचाहे न्यायेमीगु प्रकृया नं शुरु जुइगु तःधंगु अनुमान यानाच्वंगु दु । तज्यानाः पिहाँवःगु वा वयेत स्वयाच्वंगु मधेस क्रान्ति फोरमय् नीम्ह सभासद्पि दुगु खं गच्छेदारया राजनीतिक भविष्य सफाचट् जुइगु संकेट खनेदु । भारतं करौडौं ध्यवां हयाः गच्छेदारं नेपाःया राजनीतिक ख्यलय् थौं निर्णायक भूमिका म्हितेत ताःलानाच्वंसां अन्ततः थुज्वःिपं दलालतय्गु राजनीतिक भविष्य मदैगु विज्ञतय्गु धापू थन लुमंके बहः जू । २५ म्ह सभासदपि दुगु उपेन्द्र यादवया मधेसी जनअधिकार फोरमनं तज्याइगु हुइना भुइना न्यंनेदु । फोरमया भावी ज्याखँयात कयाः उपेन्द्र यादव हालै तिनि दिल्लीइ वनाः मालिकत नापलाना वःगु खं नं मधेसी राजनीतिक दलत भारतया ल्हातं साचालित व निर्देशित जूगु खँ प्रमाणित जूगु दु ।

थुमिगु भविष्य नाकं ताःहाकः मजूगु अनया जनतां महशूस यानाहःगु झ्वलय् माओवादी पार्टी दुनेहे आबद्ध जूवइगु खँय् विश्वास यायेछी । उत्पीडित जनतायात मुक्ति केवल माओवादीं जक बीफैगु खँय् आश्वस्त वातावरण तयार जुजुं वनाच्वंगु धयागु सुखद् खँ खः ।

More Stories Like this