माओवादी पदाधिकारीपिनिगु बैठक
येँ (झीगु स्वनिगः)
एकीकृत नेकपा माओबादीं थःपिनिगु हे नेतृत्वय् राष्ट्रिय सरकार नीस्वनेमाःगु जानकारी ब्यूगु दु । लिपांगु राजनीतिक अवस्थाया विषयलय् सहलह यायेत मंगलवाः च्वंगु माओवादी पदाधिकारीपिनिगु बैठकं थज्याःगु निर्णय याःगु खः । माओबादीं नेकपा एमालेया नायः झलनाथ खनालयात प्रधानमन्त्री दयेकेगु धइगु पार्टीया सुं नेताया विचाः आधिकारीक मदुगु स्पष्ट याःगु दु । बैठकलिपा साचारकःमििपंलिसे खँल्हाबल्हा यानादिसें न्वकु नारायणकाजी श्रेष्ठ 'प्रकाशं' पार्टीया सुं नेतातय्सं एमाले नायः खनालयात प्रधानमन्त्री दयेकेत माओवादी तयार दुगु धकाः ब्यूगु अभिव्यक्ति आधिकारीक मदुगु नापं धयादीगु दु ।
वय्कलं न्हूगु सरकार शान्ति व संविधानया निति फुक्क विकल्पय् सहलह यायेत तयार दुगु तर माओवादीया हे नेतृत्वय् राष्ट्रिय सरकार नीस्वनेमाःगु नापं धयादीगु दु । थुकथं हे बैठकय् किसान संघया पदाधिकारीयाबारे व तनेत्यंपि झिन्हय्म्ह मू दुजःपिनिगु बारे सहलह जूगु माओवादी छ्यान्जे सिपी गजुरेल गौरवं जानकारी बियादीगु दु ।
