अले छु याये !

नर्मदेश्वर प्रधान

शुभलक्ष्मी आकाझाकां मदइ। रत्नसुन्दरयात आः छु जुइगु खः। प्यपुनाच्वनीम्ह कलाः मंत। छु यानाः वं न्हिं छ्याइगु जुइ। सकसियां नुगलय् न्ह्यसः दनी। शुभलक्ष्मीया अभाव। न्ह्यसः लुइ। रविसुन्दरं याकः तायेकी। तर। बुलुहुँ हिउपाः खने दइ। रविसुन्दरं भान्छे बःमनीसं मिखा तइ। वइत प्रलोभन क्यनी। छन्हु रविसुन्दरं भान्छे बःमनीया ल्हाः साली ।

खँयाखँय्
जिं न्यना। रत्नधर छेँनं पिहां वन। मचाखाचालिसे वया नतुसतु मंत। स्वापू चब्बुत ।

प्रेमधर। रत्नधरया काय। डाक्टरं प्रेमधरयात धाइ "छिकपिनि मांया ल्वय् कडा।" खुलाया टाइम बी। मांया कडा ल्वय्। प्रेमधरया पीडा। मां छुं जुइ। बौया छु हाल जुइगु खः? प्रेमधरयात चिन्ता पीर जुइ। मां दु। अबुयात माःगु बिचाः याइ। काय ढुक्क। भार अनुभव मजू। अचानक मां मफइ। डाक्टरया ग्यानापुगु खँ। लुमनी। बौया छु हालत जुइगु खः? मन खुल्ल मिनी। थः न्हिछि अफिसय् लाइ। कलाः ज्याय् वनी। मस्त स्कूलय्। वइगु ग्यानापुगु न्हि लुमनी। प्रेमधरया न्ह्यपु वाइँया मिनी। डाक्टरं धाःथें जुइ। खुला हे दये मलाः। प्रेमधरया मां सी। प्रेमधरयात बौया तःधंगु पीर। गय् यानाः सम्हाले याये। गय् यानाः बौया मन तये। तर रत्नधरया हिसाबकिताब मेगु हे जुइ। कलाः सी। बाःछि जक दइ। रत्नधर छेँय् मथाः। न्हिच्छिं पिने पिने। लिबाक्क दुहां वइ। ईब्यः दइ मखु। थ्व हे खँय् बौ काय दथुइ थाकथुक जुइ। बौया पहः। काय भौनं सी। थुइ। विरोध याइ। धाइ, "माःगु जिमिसं स्वये त्वःता बिउ।" त्वःते फइ मखु। थौंयाम्ह मखु। बौम्ह कसे जुइ। जिगु ब्यवस्था जिं हे याये। रत्नधरं हाँक बी। छेँनं पिहांवनी।
शुभलक्ष्मीया न्ह्याबलें धन्दा। "मिजंतय् भाः मरु।" हालाच्वनी। वया भाःत रविसुन्दर। मिलनसार। शुभलक्ष्मी सदां ग्याः। वं शंकाया मिखां स्वइ। सतर्क जुइ। रविसुन्दर रसिक। खँ ल्हायेमाः। न्हिलेमाः। मनूत लिसे बुलेसः। श्रीमान्या स्वभाव खनी। शुभलक्ष्मीया पीर। हाला जुइ। मिजंतय् छु भाः। चन्द्रमा व चाँदनी। देह व छाँया। अथे धाःथें । शुभलक्ष्मीं रत्नसुन्दरयात त्वःती
मखु। इमि छेँय् जा थुइत छम्ह बमःनि तयातःगु। बाज्यःति वंम्ह। शुभलक्ष्मी ग्याः। म्ह छम्हं मिखा छुना जुइ। "मिजं धइपिं भाः मदु।'' शुभलक्ष्मीया धुन। ज्या याइम्हलिसे ख्याः याइ। मेगु हे पीर। चिवाः काः जुइ। शंकै शंका। गबलें शुभलक्ष्मी रत्नसुन्दर लिसे हाली। रत्नसुन्दरं सफाइ बी। मिजंतय् भाः मदु। थ्व हे झ्वः। शुभलक्ष्मीया न्ह्यपुइ तरंगित जुयाच्वनी ।

शुभलक्ष्मी आकाझाकां मदइ। रत्नसुन्दरयात आः छु जुइगु खः। प्यपुनाच्वनीम्ह कलाः मंत। छु यानाः वं न्हिं छ्याइगु जुइ। सकसियां नुगलय् न्ह्यसः दनी। शुभलक्ष्मीया अभाव। प्रश्न लुइ। रविसुन्दरं याकः तायेकी। तर। बुलुहँु हिउपाः खने दइ। रविसुन्दरं भान्छे बःमनीसं मिखा तइ। वइत प्रलोभन क्यनी। छन्हु रविसुन्दरं भान्छे बःमनीया ल्हाः साली। क्वथाय् यंकेत स्वइ। कायभौनं खनी। कायं पनी। बौनं जबरजस्ती याइ। काय बौ दथुइ द्वन्द्व जुइ। कायया ख्वालय् घाः। बौया ल्हाः मर्के जुइ। भौम्ह पुतुपुतु हाली। "भान्छेयात माजु नाले फइ मखु। भागी याये मखु।" भान्छे बःमनी छ्यं क्वछुकाः च्वनी। रविसुन्दर बःमनी ज्वनाः अलग्ग नः वनी ।

छन्हु रामेश्वर शर्मा जिमि दाईयाथाय् वइ। धाइ, "शरदजी बेहाल जुल। ग्वाहालि फ्वं वयाच्वना। कलाः मंत। कायभौ छेँय् मदु। याकःचा। ब्याः मयासें मजिल। मिसा छम्ह माला बियादिसँ। जातभातया चिउताः मदु। विधुवासां जिउ। मिजं नं त्वःता तयातःम्हसां जिउ। बुरिकन्यासां जिउ। मात्र मिसा जुइमाः निपां चूम्ह। नातिकुति याना च्वने मखु। छम्ह माल। मखुसा जिगु म्हुतुइ जा छप्यय् हे लाइ मखुत। गुलि द्यांलानाच्वनी।'' रामेश्वरं दुःख प्वंकी। अनसं सुं दुसा जिउ। धैर्यहीन जुइ। खँ ल्हाइ। लांलां द्यांलानाच्वंम्ह। क्षुदित धुं नसा मालाच्वं थें एकसुरय् हाली। लिपा जिं न्यना। रामेश्वर शर्मां ब्याहा याइ। मिसाम्ह ल्यासे। ब्याहा ला यात। छखें वया इच्छा पूरा जुइ। तर मेखेर वया मनय् मेगु धन्दां ली। व छेँनं पिहां वइ। ज्याय् वनी। छेँय् ल्यासेम्ह कलाः याकःचा। वया मनय् अनेक खँ लुइ। वं मू लुखाय् तालं ग्वयाथकी ।

झी मास्टर साहेब नापलाइ। सकस्यां हायेकी। "जिमिसं सिउ। छिके तृष्णा दनि। तृष्णायात स्याये मजिउ पाप लाइ। माःगु ग्वाहालि याये। छिं आँट यानादी माली।" मास्टर साहेबया लिसः जुइ। "स्वयादिसँ। तृष्णाया खँ मखु। छिकपिं पत्याः जुइ मखु। धात्थें जिके तृष्णा मदयेधुंकल।" तर याकःचा जुइ। मनय् अनेक खँ ल्हाइ। सुइतं कने दुसा जिउ। न्यंके दुसा जिउ। तलतल जुइ। नुगः चकंक खँ ब्याके। पासा सुं माः थें जुइ। दइ मखु। दुःख वहे। कलाः मदुया कसा फये। मास्टर साहेबं बेदना प्वंकी। मास्टरसाहेब। आँट यानादिसँ। जिमिसं छितः पासा न्ह्यचिका बी। छि नं उमेर वनेधुंकल। जिथि। उमेर वंम्हसां छु जुल।" मास्टर साहेबयात हायेकी। मास्टर साहेब जक गय् बुइ। नाकं बुरिम्ह ला गय् जी। जि स्वयां न्हापां हे व चलनपाख जुलकि छु याये? ब्याक टु मंगलमान जुइ। मिसातय् छ्यं न्ह्यइम्ह। बुढेसकालय्। सकसियां नागःतुगः फयेमाली। अले छु याये?

More Stories Like this