कर्णया कीर्तिमान लिसे वीरगाज सेमि फाइनलय्

येँ (झीगु स्वनिगः)

अविनास कर्णया कीर्तिमानलिसे क्षेत्र नम्बर २ वीरगाज येँय् न्ह्यानाच्वंगु झिगुदँ क्वय्या राष्ट्रिय कि्रकेट धेंधेंबल्लाः कासाया सेमि फाइनलय् थ्यंगु दु । कीपुलिइ सोमवाः न्ह्यःगु धेंधेंबल्लाः कासाय् कर्णं १० विकेट कायेवं वीरगाज क्षेत्र नम्बर ६ बैतडीयात १ सय ३५ रनं बुकाः सेमि फाइनलय् थ्यंगु खः । कर्ण घरेलु मैदानय् १० विकेट काःम्ह न्हापांम्ह बलर जूगु दु । निदँ न्ह्यः मेहबुब आलमं वल्र्ड कि्रकेट लिग डिभिजन फाइभय् मोजाम्बिक बिरुद्ध दस विकेट कयाः कीर्तिमान दयेकूगु खः । म्हिगःया कासाय् जितया निितं १ सय ९१ रनया लक्ष्य काःगु बैतडीयात वीरगाजं १२ दशमलव एक ओभरय् ५५ रनय् अलआउट याःगु खः । बैतडीया कप्तान नरेश बुढाऐरं १९ लिसे सुनील तामाङं ११ रन दयेकूगु खःसा खुम्ह ब्याट्सम्यानं खाता हे चायेके मफुत ।

न्हापां ब्याटिङ याःगु वीरगाजया विकेट किपर शिवकुमार तण्डुकारं ५३ लिसे अमित श्रेष्ठं ३२ रन दयेकूगु खः । अथेहे पुल्चोक इन्जिनियरीङ कलेजया मैदानय् म्हिगः हे जूगु समूह 'बी' या कासाय् क्षेत्र नम्बर ५ नेपालगाजं क्षेत्र नम्बर १ विराटनगरयात ८४ रनं बुकुगु खः । जितया निति २ सय ८ रनया लक्ष्य काःगु विराटनगरयात नेपालगाजं १ सय २३ रनय् अलआउट याःगु खः । नेपालगाजया इनामुद्धिन हलुवाई व सिद्धान्त शाहीं समान ४/४ विकेट काःगु खः । विराटनगरया आदीत्य श्रेष्ठं ३३ व सोमेशकुमार यादवं २० रन दयेकूगु खः ।

More Stories Like this