पाँगा व न्यू जेनिथ लिपांगु प्यंगुलिइ

येँ (झीगु स्वनिगः)

निक्वःगु न्यू जेनिथ कप अन्तर विद्यालय बास्केटबल धेंधेंबल्लाः कासाया सिनियर ब्वाइजपाखे पाँगा व आयोजक न्यू जेनिथ स्कूल सोमबाः सेमि फाईनलय् दुहाँवंगु दु । पाँगां डल्लु आवसीय इङलिस स्कूलयात ६९ - ३२ ल्याखं व आयोजक न्यू जेनिथं स्वर्णिमयात ५७ - ३९ ल्याःपाखें बुकुगु खः । पाँगाया रुलेश महर्जनं २४ व न्यू जेनिथया डिन्करजंग भण्डारीं २६ अंकया योगदान ब्यूगु खः । सेमि फाईनलय् पाँगाया पुष्पसदनलिसे व न्यू जेनिथया राराहिललिसे धेंधेंबल्लाः कासा जुइ । जुनियर ब्वाइजपाखे पुष्पसदनं स्वर्णिमयात ३५ - ६ ल्याखं बुकुसें सेमि फाईनलय् दुहाँ वंगु दु । पुष्पसदनया प्रतिक श्रेष्ठं १६ अंकया योगदान ब्यूगु दु ।

More Stories Like this