अपहरित मेक्सिकाली नेतायात मुक्त याइगु
मेक्सिकाली सिटी (सिन्ह्वा)
राष्ट्रपतिया निति भूतपूर्व उम्मेदवार लिसे थौंकन्हय् सिनेटर डिएगो फर्नान्डीज डे सेभाल्लोस न्हय्लालिपा मुक्त जुइगु जूगु दु । अपहरणकारीतय्सं वयात बन्दी दयेकूगु व याकनं हे मुक्त यायेगु खँया घोषणा याःगु दु । फर्मर माइस्टेरिअस भ्यानिससर् नामधारी तथाकथित अपहरणकारीया समूहं छगू विज्ञप्ती प्रकाशित यासें असङ्ख्य अपराधया कारण सेभाल्लोसयात द्वलंद्वः मेक्सिकाली जनतां मृत्युदण्डया माग याःसां नं देय्या सङ्कटयात विचाः यायेबलय् वयागु मृत्यु जक समाधानया उपाय जुइमफइगु दाबी यानाः जिमिसं मुक्त यायेत्यनागु खः धकाः जानकारी ब्यूगु दु ।
सेभाल्लोसया स्वास्थ्यस्थिति सामान्य दुगु नापं छगू वेबसाइट स्रोतं न्ह्यथंसें मेक्सिकाली न्हिपौ इआई यूनिभस्रलं जानकारी ब्यूगु दु । मेक्सिकोया सत्तारुढ नेशनल ऐक्सन पार्टीया छम्ह प्रमुख हस्ती कथं कयातःम्ह निज सेभाल्लोसयात लागुपदार्थ तस्करतय्गु छु नं समूहं थुगु दँ मे १४ या दि अपहरण याःगु खः । मेक्सिकोय् लागुपदार्थ तस्करया शक्तिशाली समूहं देय्या प्रमुख नेतातय्त तारो दयेकेगु ज्या अप्वःगु नापं उगु पत्रिकां न्ह्यथंगु दु ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
