न्ह्यसः पौ नेपालय् हे छापय् यायेत अख्तियारया उजं

येँ (झीगु स्वनिगः)

अख्तियार दुरुपयोग अनुसन्धान आयोगं एसएलसीया न्ह्यसः पौ नेपालय् हे छापय् यायेत सरकारयात हाकनं इनाप याःगु दु । न्ह्यसः पौ नेपालय् हे सुरक्षित व भरपर्दो तरिकां छापय् यायेत अख्तियारं इनाप याःगु खः । न्ह्यसः पौ नेपालय् हे छापय् यायेत थ्व स्वयाः न्ह्यः शिक्षा मन्त्रालय व अर्थमन्त्रालययात ब्यूगु उजं सुनुवाई मजूगु धासें अख्तियारं असन्तुष्टि प्वंकूगु खः । सुरक्षाया कारण क्यंसें एसएलसी परीक्षाया न्ह्यसः पौ भारतय् छापय् यायेगु यानाच्वंगुलि लाखौं नेपाली धेबा विदेशय् वनेगु यानाच्वंगु दु ।