बाराया रियल जुस फ्याक्ट्रीइ तालंग्वल
येँ (झीगु स्वनिगः)
भरतीय लगानी संचालन जुयाच्वंगु डाबर नेपालया उत्पादन रियल जुसं नेपाःमितय्गु स्वास्थ्यय् लिच्वः लाकीगु ज्या यानाच्वंगु धकाः बय् बय् जूगु छुं ई लिपा हे म्हिगः सोमवाः अख्तियार दुरुपयोग अनुसन्धान आयोगं बाराया रामपुरय् च्वंगु डाबर नेपालया रियल जुस फ्याक्ट्रीइ छापा मारेयानाः तालं ग्वयाब्यूगु दु ।
आयोगया केन्द्रीय ज्याकूपाखें सह न्याधिवक्ताया नेतृत्वय् वंगु पुचलं फ्याक्ट्रीइ निरिक्षण यागु इलय् न्हापाया सूचं कथं हे त्रुटि खनेदुगुलि सिल लगेयाःगु खः । डाबरय् पुलांगु हे मितिइ आः नं जूस भरेयानाच्वंगु सुचं वयेवं अथे छापामारे याःगु खःसा व खँ प्रमाणित जुइवं अथे तालं ग्वयाब्यूगु खः ।
