ल्वहँ फि व रोडा प्रतिबन्ध फुकुवाया माग

येँ (झीगु स्वनिगः)

उद्योगी व्यवसायीतय्सं ल्वहँ फि व रोडा भारत निकासीइ तःगु प्रतिबन्ध फुकुवा यायेत माग याःगु दु । नेपाल उद्योग वाणिज्य महासङ्घया नायः कुशकुमार जोशीया नेतृत्वया प्रतिनिधिमण्डलं आइतवाः सुथय् प्रधानमन्त्री माधवकुमार नेपालयात नापलानाः निकासी फुक्रवाया निति इनाप याःगु खः । सिहदरबारय् जूगु प्रधानमन्त्री नेपालं समस्या समाधान यायेगु आश्वासन ब्यूगु दु । नायः जोशीं देय्या निति थ्व व्यवसाय माःगु ख वा मखु धइगु राज्यया स्पष्ट नीति माःगु धासें झिन्यान्हुयादुने थ्व समस्या ज्यंकेत सरकारलिसे माग यानादिल । प्रतिनिधिमण्डलय् एकीकृत नेकपा माओवादी स्थायी समिति दुज नेता टोपबहादुर रायमाझी व नेकपा एमालेया छ्यान्जे विष्णु पौडेल नेपाली कांग्रेसया नेता लिसे सिचाइ मन्त्री बालकृष्ण खाँड लिसे ल्वहँ अप्पा उद्योगी व्यवसायीया ब्वति दुगु खः ।