मूल्य बृद्धि लित कायेत माओवादी नापं खुगू दलया संकल्प प्रस्ताव
येँ (झीगु स्वनिगः)
संविधानसभाया दकले तःधंगु दल एकीकृत नेकपा माओवादीलिसे खुगू दलं सरकारं छुं ई न्ह्यः याःगु पेट्रोलियम पदार्थया भाः थकाःगु लित कायेत संसद सचिवालयय् संकल्प प्रस्ताव दर्ता याकूगु दु । माओवादी स्थायी समिति दुजः देब गुरुङया नेतृत्वय् वंगु पुचलं संविधानससभा निमावलीया नियम ३९ कथं पेट्रोलियम पदार्थ व मेगु तसकं मदयेकं मगाःगु ज्वलनय् थकाःगु भाः लित कायेत प्रस्ताव दर्ता याकूगु खः । नापं माओवादी लिसेया दलं मदयेकं मगाःगु ज्वलनय् जूगु मूल्य बृद्धि सम्बन्धी छानविन यायेत प्रभावशाली संसदीय अध्ययन पुचः नीस्वनेत नं माग याःगु दु । नसा ज्वरे यायेगु एल पी ग्याँस लिसे पेट्रोलियम पदार्थय् भाः थकाःगु सरकारं छुं ई न्ह्यः खाद्यान्नय् नं भाः थकाःगु खः ।
