राज्य सत्ताय् सर्वहारावर्गया निर्णायक विजयया न्हयसः

- केशव नेपाल 'राजन'

माओवादीं सामन्तवाद व साम्राज्यवादयात ध्वस्त यानाः न्हूगु जनवादी क्रान्ति पूवंकाः सर्वहारा वर्गया ल्हातय् सत्ता कायम यायेत २०५२ साल फागुन १ गते महान जनयुद्धया शुरुवात याःगु खः । पुलांगु सत्ता विरुद्ध विद्रोह खः । १० दँया महान जनयुद्धकालय् नेपाःया ८० प्रतिशत भूभागय् स्थानिय जनवादी जनसत्ता न्ह्याकूगु खः । राजतन्त्रया अन्त्य यानाः केन्द्रिय राज्यसत्ता थःगु ल्हातय् कायेत न्हूगु कार्यनीति ज्वनाः शान्ति प्रकृयाय् वःगु खः । २४० दँया पुलांगु राजतन्त्रया अन्त्य यानाः संघीय लोकतान्त्रिक गणतन्त्र स्थापना जूगु दु । आः झीगु कार्यनीति जनविद्रोहं जनवादी क्रान्ति पूवंकेगु खः । थ्व कार्यनीति पूवंकेत न्हूगु कार्ययोजना तयार यानाः कार्यान्वयन यायेगु ऐतिहासिक कार्यभार खः । थ्व लेखय् पुलांगु राज्यसत्ताय् सर्वहारा वर्गं निर्णायक विजय यानाः राज्यसत्ता थःगु ल्हातय् कायेगु विषयलय् केन्द्रित जुइ । राज्यसत्ताय् निर्णायक विजयया निति जनविद्रोह शुरु यायेगु खँ जोखिम पूर्ण व चुनौतिपूर्ण जुइ । जनविद्रोह छगू कला खः । थुकियात ठोस इलय्या ठोस विश्लेषण यानाः छयलेफत धाःसा बुर्जुवा वर्गय् सर्वहारा वर्गं निर्णायक विजय यायेफै । कलाया छुं निश्चित नियमत दइ । उकियात पाय्छिकथं पालन यात धाःसा वुर्जुवा राज्यसत्तायात ध्वस्त यायेफु व सर्वहारावर्गयात ल्वयेक न्हूगु राज्ययन्त्रया पलिस्था यायेफै । यदि जनविद्रोह यायेबलय् कलाया फुक्क नियमत उपेक्षा यात धाःसा जनविद्रोह असफल जुयाः आन्दोलनहे यक्कों दँ ल्यूने घ्वानायंकेफु । उगु अवस्थाय् पार्टी नं तहस नहस जुयाः पतन जुइ । जनविद्रोहयात निर्णायक विजयतक्क यंकेगु स्थिति व अवस्था मन्त धाःसा विद्रोह नाप गवलेंनं कासा म्हितेमज्यू । जनविद्रोह शुरु याये धुंका: अन्तिम इलय् तक्क उकि दनावइगु फुक्क जोखिम व हाथ्यात नाप ल्वायेत फुक्क विकल्पत तयारी अवस्थाय् तयातयेमाः । जनविद्रोह धयागु पुलांगु सुदृढ राज्यसत्ताया विरुद्धया विद्रोह खः गुम्हस्यां पुलांगु राज्यया हालीमुलाही यानाः च्वनाच्वंगु दइ उकियात ध्वंस यायेगु खँ ल्हाये थाकु व जटिल जूसां व विद्रोही शक्तिनाप पुलांगु सेनायात बुकेगु शक्ति क्षमता व सामथ्र्य दुसा पाय्छिगु इलय् जनविद्रोह न्ह्याकेमाः । जनविद्रोहं शत्रु तय्गु राज्ययन्त्र तहस नहस यायेमाः । जनविद्रोह शुरु यायेधुंकाः दृढतापूर्वक तिव्र गतिइ आक्रमण यायां उकियात विजयया दिशाय् न्ह्यःने यंकेगु यायेमाः । प्रतिरक्षा जनविद्रोहया विशेषता मखु व जुइन मज्यू ।

शत्रुतय्सं इमिगु थःगु शक्ति मुंकेत व तयारी हालतय् तयेमखंके इमिगु विरुद्ध आपुलुखं व तिव्रगितं आक्रमण यायेगु व कब्जाय् कायेगु खँहे जनविद्रोहया मूल विशेषता खः । गुम्हेस्यां थ्व तरिका नालाकाइ वहे शक्तिं त्याकी । फुक्क पुलांगु राज्यसत्तां विजयया ध्वाँय् ब्वयेकी । फुक्क पुलांगु राज्यसत्ताय् निर्णायक विजय मजूतले ग्वफय्थें छगू धुंकाः मेगु सफलताया शिखर गयां वनेमाः । शत्रुतय् मुख्य व सहायक किल्लात चुंचुं यानाः वं थःगु विरुद्ध शक्ति मुंकेगु व संगठित जुइगु अवसर मविसे छ्यालब्याल यायेमाः थुकि यानाः शत्रुत कित विसुं वनेमाः कित आत्मसमर्पण याकेगु स्थिति हयेफयेमाः । अवले पुलांगु राज्य सत्ताया पक्षय् दनीपि व न्हूगु राज्यसत्ताया पक्षय् दनीगु कित्ता छुटय् जुइ अवले मध्यवत्तीं पक्षयात थःपाखें सालेत व विजययात सुनिश्चित यायेमाः । फुक्क राज्यसत्ताय् निर्णायक विजय यायेगु निति मू आधार थनेमाः । व विना जनविद्रोह शुरु यायेगु आत्मघाटी जुइ । जनविद्रोह शुरु यायेगु आत्मघाती जुइ । जनविद्रोहया न्हापांगु व मू आधार क्रान्तिकारी पार्टीं क्रान्तिकारी वर्गय् अग्रगामी व्यक्तितय्गु दथ्वी देयन्यंकहे वहुमत जनमत कायेगु खः । क्रान्तिकारी तरीकां देय न्यंक आधार कायेधुंकूगु जुइमाः । जनविद्रोह नाःलाकेत छम्हू मनूतय्त जक आधार दयेकां मज्यू वहुसंख्यक अग्रगामी वर्ग संलग्न जूगु जुइमाः । आम जनताया तत्परता व उत्साहय् हे जनविद्रोह शुरु यायेमाः । जनताया तःधंगु हिस्सा विद्रोही शक्तिया जःखः गोलवन्द जूगु व पुलांगु सत्ताप्रति जनताय् व्यापक घृणा आक्रोश व असन्तोष व्यनाच्वंगु जुइमाः । इमिगु पुलांगु जनआधार छगू धुंकाः मेगु यानाः दुनाः व चीधं जुयाः क्षीण जूगु इलय् जनविद्रोह शुरु यायेगु बांलाःगु हे जुइ । मेगु आधार धयागु पुलाँगु राज्य सत्ताया साचालक पार्टी नेता सेना प्रहरी नियमित कर्मचारीतय्गु दथ्वी व्यापक असन्तोष फुट व अन्तरविरोध जुयाच्वंगु जुइमाः । अवले जनविद्रोह वाःलाइ । पुलांगु सत्ताया नेतृत्वपत्ति राजनीतिक आर्थिक सामाजिक व नैतिक फुक्क क्षेत्रय् भ्रट व पतीत जूपि जुइमाः । ईपं प्रति आमजनताया आस्था व विश्वास तंगु जुइमाः । नेतृत्वया व्यक्तिं उगु अवस्थाय् राज्य सत्ता सन्चालन यायेगु असक्षम व असमर्थ जूगु व आमजनतां पुलांगु राज्य सत्ताप्रतिया विश्वास मदयेधुंकूगु इलय् जनविद्रोह सफल जुइगु मेगु आधार जुइ ।

जनविद्रोह ताःलाकेगु जक मू खँ मखु उकियात निरन्तरता वीगु जटिल व कठिन खँ खः । उकियाया निति विद्रोही शक्तिनाप संगठित शक्ति सेनात शक्तिशाली जुइमाः । गुकि जनविद्रोह ताःलाकेत जक मखु उकियात स्थापित यानाः निरन्तरता बीगु जुइ । उगु स्थिति व अवस्था पूवनेधुंकाः लिपा जन विद्रोह तात्कालिन आवश्यकता जुइ । फुक्क आधारत तयार जुइधुंकाः लिपा जनविद्रोह शुरु यायेत अस्वीकार यायेगु सर्वहारावर्गप्रति धोका व विश्वासघात यायेगु जुइ । जनविद्रोह शुरु यायेत व उकियात पूवंकाः ल्यंका तयेत अन्तराष्ट्रिय समर्थन थ्व नीछगूगु शताब्दीइ महत्वपूर्ण पक्ष खः उकियात कुटनीतिक रुपय् तयारी यायेमाः गुकि सत्ता स्थापित जुइधुंकाः अन्तर्राष्ट्रिय ग्वाहालि व समर्थन व समर्थन दयेमाः । जनयुद्धया ऐतिहासिक पहलया निति झीसं सैद्धान्तिक प्रतिवद्धतात गथ्य यानागु खः अथ्यहे जनविद्रोइं सर्वहारा वर्गया राज्यसत्ता कायेगु दृढतायात पूवंकेफै छाय्धाःसा थौं प्रत्येक पार्टी सदस्यं उगु महान गौरव व जिम्मेदारीयात व्यवहारय् पूवंकेत मुक्ति व मृत्युया स्थितिय् विलां ज्यानं मोर्चाय् ल्वायेगु वाहेक तःधंगु कर्तव्य मेगु मनु । झीके मालेमाया शर्वशक्तिमान वैचारिक हतियार दु सही राजनीतिक अले सैन्य कार्यदिशा दु उगुहे कथंय् योजना दु कार्यान्वयन यायेगु सही व कुशल नेतृत्वय् टीम दु । अथ्यहे आः सशस्त्र जनविद्रोहया निति साहसया परिचय बीगु अख जक कता दु ताःहाकः व्याकु तर भविष्य उज्वल दु सर्वहारावर्गया जीत सुनिश्चित दु ।

More Stories Like this