ज्यापु दिवसया लसताय् अन्तरक्रिया व सांस्कृतिक ज्याझ्वः

राष्ट्रिय ज्यापु दिवसया लसताय् आदिवासी ज्यापु संघया ग्वसालय् थौं येँया ओमबहालय् आदिवासी ज्यापु व ज्यापु दिवसया विषयस अन्तरक्रिया ज्याझ्वः जुल । मचाराजा महर्जनं न्ह्याकादीगु उगु ज्याझ्वलय् विपेन्द्र महर्जन मूपाहां कथं उपस्थित जुयादीगु खः । ज्याझ्वलय् रामकृष्ण महर्जन लगायतया वक्तापिन्सं न्ववानादीगु खः ।

अथे हे झी ज्यापु मिसा पुचःया ग्वसालय् बसन्तपुलिइ विविध सांस्कृतिक कार्यक्रम याःगु दु । श्रम तथा यातायात मन्त्री मोहम्मद अफताव आलमपाखें उलेज्या जूगु उगु ज्याझ्वलय् क्वाबहाः ल:घःछेँया धिमय् पुचलं मातनेगु ज्याझ्वः याःगु खः । ज्याझ्वलय् स्वनिगःया न्हय्म्ह ज्येष्ठ ज्यापु मिसा नागरिक व कासामिपिन्त नं हंगु खःसा विविध सांस्कृतिक ज्याझ्वलय् सितला मय्जुया सिनाज्या नाटक नं न्ह्यब्वःगु खः ।

More Stories Like this