भेजथानी अस्पताल छगू म्हसीका

थाइल्याण्डया राजधानी बैंककय् च्वंगु छगू अन्तर्राष्ट्रिय स्तरया अस्पताल खः भेजथानी अस्पताल। थ्व तसकं हे अत्याधुनिक सुविधा दुगु निजी स्तरया अस्पताल खः। थ्व थाइल्याण्डया न्ह्यलुवा स्वास्थ्य सेवा प्रदान यायेफुगु अस्पताल मध्ये छगू लाः। थन दुने अध्याधुनिक स्टेट अफ द आर्ट टेक्नोलोजी सुविधा दु। उच्च योग्यता व दक्ष तालिम प्राप्त विशेषज्ञया सेवा उपलब्ध दु। थ्व अस्पतालय् स्वीगू स्वयां अप्वः स्वास्थ्य सेवा सेन्टर दु गुकिं सुविधा सम्पन्न स्वास्थ्य सेवा जे सी आई स्टायण्डर्स अन्तर्गत बियाच्वंगु दु ।

थ्व अस्पतालया सेवा विशेषता प्रमुख रुपं टोटल ज्वाइण्ट रिप्लेस्मेन्ट सर्जरी, अर्थोपेडिक, अंग प्रत्यारोपण, दन्त विशेषज्ञता, ल्हाः तुतिया सर्जरी, ग्यास्ट्रो इन्टरनल डिसअर्डर, इन्फर्टिलिटी ट्रिटमेन्ट(एआरटी), यूरोलोजी, अब्डोमिनल सर्जरी, कोलोरेक्टल सर्जरी, अब्स्टेट्रिअस एण्ड जेनिकोलोजी, कम्प्लेट फुल बडी चेकअप नापं मेमेगु नं आपालं सेवा उपलब्ध जुयाच्वंगु दु ।

थ्व अस्पताल सन् १९९४ य् नीस्वंगु खः। थ्व आइएसओ ९००१: २००० सर्टिफिकेट इन २००३, थाइल्याण्ड हस्पिटल अक्रेडिटेशन (एचए) इन २००७ व आः नकतिनि हे जक २०१० य् ज्वाइण्ट कमिशन इन्टरनेशनल (जेसीआइ)पाखें एक्रेडिटेड याःगु अस्पताल खः ।

थ्व अस्पतालया भौतिक सुविधा अन्तर्गत आः ५०० गू बेड, झिंनितँ जाःगु बिल्डिङ, ३४,९६४ वर्ग क्षेत्रफल दुगु थाय्, न्यय्म्हनिसें चय्म्ह तक मनू न्ह्यंगु मिटिङ हल, न्यासःगः कार पार्किङ यायेगु थाय्, न्ह्यइपुगु क्यब, रेष्टुरेण्ट व कफि सप, परम्परागत थाइ मसाज सेन्टर, एटीएम सेवा, सफू व न्ह्यवःसा पसः नं दु। थ्व अस्पतालया मानव संशाधन विभाग अन्तर्गत आः ७०० स्वयां अप्वः कर्मचारी, डाक्टर व विजनेशम्यानतपाखें सुसज्जित व्यवस्थापन टीम, स्वसः स्वयां अप्वः फिजिसियन व दन्त विशेषज्ञत गुपिं अप्वः धइथें विदेशय् तालिम प्राप्त व प्रमाणपत्रधारीत दु। अले निसः स्वयां अप्वः स्टाफ नर्सत ज्या यानाच्वंगु दु ।

मूल रुपं थ्व अस्पतालय् क्वय् न्ह्यथना कथंया थीथी सेन्टरतपाखें सेवा उपलब्ध यानाच्वंगु दु -
टोटल ज्वाइण्ट रिप्लेसमेन्ट बाइ कम्प्यूटराइज्ड नेरिगेटर, कार्डियाक सेन्टर, न्यूरोजिकल सेन्टर, अर्थोपेडिक क्लिनिक एण्ड स्पोर्ट मेडिसिन, स्पिरन सेन्टर, एक्स एक्स एण्ड सेन्टर, किड्स सेन्टर, इण्डोक्रिन सेन्टर, ओमेन्स हेल्थ सेन्टर, जी आइ सेन्टर, आसिस्टेण्ट रेप्रोडिक्टिभ टेक्नोलोजी सेन्टर, डेन्टेलिज, बोन म्यारो ट्रान्ग्लेट यूनिट।
थ्व अस्पतालया मू उद्देश्य धइगु हे अन्तर्राष्ट्रिय स्तरं वःपिं बिरामी ग्राहकतय्त मानवीय भावनाया कदर यानाः सन्तुष्ट प्रदान यायेगु हे खः। नापं अन्तिम प्रमुख उद्देश्य धइगु फयांफछि पूर्ण सेवा प्रदान यानाः रोग निवारण यायेगु खः। अथे जुयाः नं थ्व अस्पतालया लोकप्रियता बैंककय् जक मखु, अन्तर्राष्ट्रिय रुपं नं थहां वनाच्वंगु दु।
आः नकतिनि हे जक सन् २०१० य् वयाः प्रमुख अन्तर्राष्ट्रिय अब्जर्भेसन संस्था जेसीआइपाखें नं मान्यता बिउगु दु ।

आः नकतिनि हे जक थ्व अस्पतालं अन्तर्राष्ट्रिय रुपं थुकिया बजार विस्तार याना वयाच्वंगु दु। थ्व हे झ्वलय् नेपालय् नं आः वयाः स्वास्थ्य सेवाया विस्तारया सम्भावना अप्वः खने दुगुलिं यानाः वर्ल्ड क्लिन हस्पिटल अन्तर्गत सेवा व सुविधा म्हो खर्चय् हे उपलब्ध याकेगु ताः तयाः नेपालय् ललित मण्डप टुर्स एण्ड ट्राभल्स प्रा. लि. यात थःगु नेपाल एजेण्ट नियुक्त याःगु दु। अथे जुयाः थ्व अस्पतालया सेवा व जानकारीया लागिं ललितमण्डपय् स्वापू तये फइगु यानातःगु दु ।

More Stories Like this