छगू चीधंगु इनाप
सम्पादकजु,
झीगु ज्ञानमाला भजन खलः स्वयम्भूया पुलांपिं नायः शान्तरत्न शाक्य व पन्नाकाजी शाक्यिपंसं न्ह्याकाथकूगु बांबांलाःगु ज्याझ्वःत मध्यय् लय्लय्पितं न्ह्याकाच्वंगु बुद्धपुजा आःयाम्ह नायः भाजु रत्नबहादुर राजकर्णिकारया पालय् जक छाय् निरन्तर मजूगु थें छथाय् निथाय्ला पुलुक पालुक यंकू । उकिं लय्लय् पतिकं मदिक्क बुद्ध पुजा न्ह्याकादीत इनाप यानाच्वना गुकिं यानाः जिमिसं मसिउगु व मवनागु थासय् नं वने दइ । अले धर्म नं याये दइ धइगु मनंतुना च्वना । अले मेगु छगू इनाप न्हापा न्हापा थें ज्ञानमाला भजन नं झःझः धायेके माःगु दु आः गुलि बांलाः थ्व स्वयां अप्वः बांलाके माःगु दु । गथे याःसा जी धकाः सहलह यानादीमाल । जिं स्वयॆबलय् हनाबना यायेगु क्वातुके माल नापं धर्म व पुण्य लाइगु ज्याझ्वःत नं हयादीमाल अले जिपिं आजीवन जःतय्सं फुइँ यानाः धाये फइ थ्वला रत्नदाइयागु पालंनिसें जूगु धकाः । न्ह्याबलें न्ह्याबलें छिगु नां नं च्वनाच्वनी ।
- कृष्णमान डंगोल, मखं, गल्लितुन्छेबहाः यॆँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
