मे १ यात तःजिक हने
न्हापा न्हापा जूसा विदा बियाः वा थीथी कथं अन्तर्राष्ट्रिय मजदुर दिवस माने यानाच्वंगु खः । थुगुसी देशय् लोकतन्त्र व गणतन्त्र वयेधुंकूगुलिं नं खइ थीथी राजनीतिक पार्टी व मजदुर संगठनतय्सं थुगु अन्तर्राष्ट्रिय मजदुर दिवसयात थीथी कथं जुलुस सभा हे यानाः माने यायेत्यंगु दु । थ्व बांलाःगु पक्ष नं खः । थौं मई १ तारिख सन् २००९ । १२० क्वःगु अन्तर्राष्ट्रिय श्रमिक दिवस । अमेरिकाया शिकागो शहरय् थौं स्वयां १२० दँ न्ह्यः मजदूरतय्सं च्याघौ ज्या च्याघौ आराम व च्याघौ मनोराजनया माग यानाः सडक आन्दोलन याःगु दिन । थुकियात तःजिक हने ।
अमेरिकाय् कलकारखाना व मजदूरत अप्वयाच्वंगु इलय् छगू कारखानां शुरु जूगु उगु आन्दोलन लिपा वनाः शहर न्यंकं न्यनावन । सरकारं मजदूर आन्दोलन दबे यायेत अनेकौं हथकण्डा नाल । अनेकौ कुटनीति व चालया बाबजुद नं मजदूरतय् जायज मागयात तत्कालीन सरकार व कारखानाया मालिकतय्सं पूवंकेत वाध्य जुल ।
सामाजिक परिवर्तन छक्वलं मजुइगु जुयाच्वन । १२० दँ न्ह्यः न्ह्यज्याःगु उगु मजदूर आन्दोलनं याःगु माग आः नं पूवंक ताःलाःगु मदुनि । कारखाना मालिकतय्सं मजदूरतय्त याइगु शोषण दमन अन्याय अत्याचारपूर्ण रुपं पने मफुनि । विश्वन्यंकं थ्व समस्या अथें हे थातं लानाच्वंगु दनि ।
- शालिकराम, येँ मनपा ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
