पारसया गोलीं धन्न बचे जुल

येँ (झीगु स्वनिगः)

रुबेल चौधरीं संचारकर्मीतलिसे तसकं चीहालं जक वंगु शनिवाः पारसं थःत ताःक्यना गोलीं कयेकूगु घटनायात कनादिल । ई वंगु शनिवाः चान्हय् खः । अबले परराष्ट्रमन्त्री सुजाता कोइरालाया म्ह्याय् जोष्टा कोइराला बंगलादेशया मुस्लिम परिवारया रुबेल चौधरी रोजा जोष्ट कोइरालाया भाःत म्ह्याय् मोहिम चौधरी नापं मेपि निम्ह पासापि दुगु ईया घटना खः । वय्कः चौधरीं धयादिल निकुण्जया टाईगरटप्स होटलय् परिवार व पासापि नाप च्वनाच्वनागु खः । आकाझाकां तसकं अय्ला त्वनातःम्ह पारसं राजतन्त्र सिधयेकेगुलिइ कोइराला परिवारया ल्हाःदु धकाः पेस्तोल लिकया ताः क्यन धकाः घटना विवरण कनादिल । वय्कलं संचारकर्मीतय्त कनादीगु विवरणया कथं

पारस - जंगलय् चाः हिउ हुँ
रुबेल चौधरी - जि परिवार नाप छुट्टी माने यायेत वयागु खः ज्वज्वलपा यानाः
उग्रीमय् हे पारसं गोली चले यात । फाइरिङ यात । चौधरीं धयादिल खुदां इश्वरं जितः बचेयात । धन्य धन्य दु जि व जिगु परिवार म्वायेफत । यक्व हे खुसी दु । वय्कलं पारसयात थःम्हं बांलाक्क म्हमस्यू धकाः नं धयादिल वय्कः जितः सरोकारया खँ नं मखु । पेस्तोल लिकया जंगलय् हुँ धाल जि ज्वज्वलपा यानाः इनकार यानाः आकाझाकां फाइरिङ यात । चौधरीं धयादिल नितान्त थःपि पारिवारिक भ्रमणय् वनागु खः दुःखदायी घटना जुल थः व थःगु परिवार स्तब्ध जूगु दु । उगु घटनालिपा थःपि नवलपरासीया दुम्कौलीया चौधरी उद्योग ग्रामय् चच्छि च्वनाः सोमवाः हे सुथय् हेलिकप्टरं येँ वयागु खः धयादिल । म्हिगः सोमवाः तकं म्ह हे ग्यानाः थरथर खाकाच्वंम्ह वय्कलं मेगु छुं धायेगु मदु धासें धयादिल जिपि सकलें म्वायेत सफल जुल खुदा इश्वर यात यक्व यक्व हे सुभाय् ।