ज्यापु दिवसया लसताय् सुकुन्दा र्याली
राष्ट्रिय ज्यापु दिवस ११३१या लसताय् थौं छगू सांस्कृतिक सुकुन्दा र्याली जुल । झी ज्यापु मिसा पुचलं थिंलाथ्व पुन्हि कुन्हु हनीगु ज्यापु दिवस व सन् २०११या पर्यटन दँया सफलताया कामना यासें सुकुन्दा र्याली याःगु खः ।
थौं यटखा बहालय् जूगु छगू ज्याझ्वःया दथुइ रक्षामन्त्री विद्यादेवी भण्डारीं र्यालीया उलेज्या यानादीगु खः । ज्याझ्वःया उलेज्या यासें रक्षामन्त्री भण्डारीं नेपाःया म्हसिका हे झीगू संस्कृति जूगु धासें थुकीया विश्वन्यंक प्रचार प्रसार यानाः विदेशी पर्यटकतय्त नेपालय् आकर्षित यायेमाःगु धयादिल ।
सुकुन्दा र्याली यटखा, नरदेवी, क्षेत्रपाटी, ठमेल, ज्याठा, त्यौड, असं, इन्द्रचोक, ओमबहाः, ब्रम्हत्वाः, ह्यूमत, जैशीदेवल, मरु, प्याफः जुयाः हानं यटखाय् थ्यंकाः क्वचाःगु खः ।
न्हय्दँ न्ह्यः निसें हनावयाच्वंगु ज्यापु दिवस थुगुसि नं यःमरी पुन्हि अर्थात थिंलाथ्व पुन्हि कुन्हु छगू तःजिगु सांस्कृतिक र्याली व सभा याइगु ज्याझ्वः दु ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
