आः फुटबल कासाय् न्याम्ह रेफ्री

दक्कले लोकंह्वाःगु कासा फुटवलय् आः न्याम्ह रेफ्री जुइगु जूगु दु । यूरोपय् लिग त्याकामिपिनि ब्वति दइगु कासा UEFA कासाय् स्वम्ह रेफ्री जुयाच्वंगु थासय् आः न्याम्ह दइगु जूगु दु । कासा जुयाच्वनीबलय् गोल जूगु निर्णय यायेत स्वम्हं मगाःगुलिं निम्ह तनेत्यंगु खः । थ्व तनेत्यंपिं निम्ह रेफ्री निगू गोल लाइनय् च्वनीगु खः ।

नकतिनि क्वचाःगु वर्डकप फुटवल कासाय् नं अप्वःहे गलत गोलया निर्णय जूगुलिं यक्व हे आलोचना फय्मालाच्वंगु खःसा अन नं भिडियोया रिक्याप पाखें गोलया निर्णय यायेमाःगु दबाब वंगु खःसां छुं नं ह्यूपा मयाःगु खः ।

थ्व न्याम्ह रेफ्री च्वनीगु UEFA कासाय् जक जूसां थ्व नियम आः जुइत्यंगु यूरोकप २०१२ य् नं लागु यायेत फिफायात इनाप याःगु दु ।

मेमेगु कासाय् यक्व हे न्हून्हूगु प्रविधित दुथ्याके धुंकूसां फुटवल कासाय धाःसा आःतक छुं नं अजाःगु प्रविधित दुथ्याकूगु मदुनि ।

More Stories Like this