नेपाल मण्डल व सिन्हःस्वाँ खलःयात शंखधर सिरपाः

येँ (झीगु स्वनिगः)

नेपाल सम्वत्यात प्रचार प्रसार यायेगु ज्याय् तःधंगु ग्वाहालि याइगु संस्थायात बीगु शंखधर सिरपाः वंगु दँ व थुगुसी यानाः निदँया छक्वलं घोषणा याःगु दु । घोषणाकथं वंगु दँ ने.सं. ११३१ या सिरपाः नेपाल मण्डल डट कमयात व ने.सं. ११३० या सिरपाः सिन्हःस्वाँ खलःयात बीगु जूगु दु । सिन्हःस्वाँ खलकं पिने पिने नं मोटरसाईकल र्र्यली यानाः नेपाल सम्वत्या प्रचार प्रसार याःगु खःसा वेभसाइटया माध्यमं नेपाल सम्वत्यात प्रचार प्रसार याःगुलि नेपाल मण्डल डड कमयात ब्यूगु खः । वइगु पुस १७ गते ख्वप जिल्लाया मध्यपुर थिमि नापसं च्वंगु नगदेशय् छगू विशेष ज्याझ्वःया ग्वसाः ग्वयाः उगु सिरपाः लःल्हायेत्यंगु दु । सिरपाःकथं प्रत्येक संस्थायात दँकथं ११०३० तका व ११०३१ तका धेबा व सिजःपौ लःल्हाइ ।