हस्तक्षेपकारी ज्याझ्वः
नकतिनि क्वचाःगु नेवाः राष्ट्रिय राजनीतिक सम्मेलनं नेपालमण्डल दुने लाःगु स्थानीय निकायय् तत्काल हे लागू जुइ कथं जारी याःगु तत्कालिन हस्तक्षेपकारी ज्याझ्वः
१) प्रस्तावित नेवाः राज्यया महानगरपालिका, उप- महानगरपालिका, नगरपालिका, वडा, जिविस, गाविसय् मू कर्मचारी नेवाः वा रैथानि कर्मचारी हे जुइमाः। म्होति नं दक्व थासय् नेपालभाषा सःपिं कर्मचारी जुइमाः।
२) प्रस्तावित नेवाः राज्यया मस्तय्त स्कूलय् नेपालभाषा विषयगत रुपं व माध्यमया रुपं स्यनेगु व ब्वनेगु जुइमाः। थुकिया निंतिं स्थानीय निकायं स्यनामि व पाठ्यक्रम सफूया निंतिं अनिवार्य रुपं आर्थिक ग्वाहालि यायेमाः।
३) स्थानीय जनताया स्वास्थ्यया निंतिं सार्वजनिक निःशुल्क स्वास्थ्य क्लिनिकया व्यवस्था स्थानीय निकायपाखें जुइमाः।
४) प्रस्तावित नेवाः राज्यं त्वनेगु लः, धः, लँ, सरसफाइया सम्पूर्ण जिम्मा स्थानीय निकायं कायेमाः।
५) प्रस्तावित नेवाः राज्यया सीडीओ व जिल्ला प्रहरी प्रमुख लगायत थीथी स्थानीय प्रशासन इकाईया प्रमुख नेवाः व बहुसंख्यक कर्मचारी नेवाः व म्होतिं नं फुक्क कर्मचारीत नेपालभाषा सःपिं हे जुइमाः।
६) प्रस्तावित नेवाः राज्यय् नापी मजूथाय् तत्काल नापी यानाः लालपूर्जा बीमाः।
७) गुथि, मठमन्दिर, गुम्बा विहार व चर्च, मस्जिद, गुरुद्वार आदि धार्मिक संस्था व सार्वजनिक जग्गा सम्बन्धित निकाय वा व्यक्ति नापं सहलह ब्याकाः विशेष रुपं संरक्षण व संबर्धन यायेमाः।
८) मोही जग्गा, बिर्ताजग्गा, गुथि जग्गा, बेनिस्सा जग्गाय् जोताहायात प्राथमिकता बियाः समस्यायात याकनं हल यायेमाः।
९) जग्गा प्लटिङ्ग रोके यायेमाः।
१०) दीर्घकालिन रुपं लिच्वः लाइगु विकास निर्माणया ज्याझ्वः तत्कालयात स्थगित यासें स्वायत्त राज्य नीस्वनेधुंकाः स्वायत्त राज्यया आवश्यकता कथं न्ह्याकेमाः।
११) नेवाः संस्कृतिया संरक्षण आवश्यक कथं न्हूधाः यायेत व विकास यायेत स्थानीय जनताया सहभागिताय् स्थानीय निकायं हल यायेमाः।
१२) नेवाः जातिया मुक्ति, उत्थान व विकासया निंतिं योगदान बियादीपिंत सम्मान व ग्वाहालि यायेमाः।
१३) सहिद व बेपत्तापिनिगु सम्मानलिसें वय्कःपिनिगु छेँजःपिंत ग्वाहालि यायेमाः।
१४) स्थानीय ल्याय्म्ह/ल्यासेतय्सं शारीरिक व मानसिक विकासया निंतिं स्थानीय निकायपाखें अतिरिक्त क्रियाकलापया निंतिं स्थानीय निकायं ग्वाहालि यायेमाः।
१५) नेपालभाषा पिदनाच्वंगु पौयात ग्वाहालि स्थानीय निकायं नं यायेमाः।
१६) लिपि विकास, परम्परागत बाजा, जात्रा, पर्व संरक्षण एवं संबर्द्धन यायेमाः।
More Stories Like this
जातीय संघीयताया खँय् नेमकिपा प्राडो, पाजेरो ब्वाकेगु ख्यः मखु राष्ट्रपति प्रणाली बारे विवाद नेवाःतय्त जागृत याइगु 'नेपाःमिया नुगः सः' खँ स्वनिगःया
