न्यागू लाख कित्ता शेयरया आवेदन

रसुवा (झीगु स्वनिगः)

चिलिमे जलविद्युत कम्पनीं निष्कासन याःगु शेयर न्यायेगु निितं रसुवा जिल्लाबासीं थ्यंमथ्यं न्यागू लाख कित्ता शेयर न्यायेगु निति आवेदन ब्यूगु दु । कम्पनीं इनाप याःगु शेयर आवेदन बिइगु लिपांगु तिथि गुन्हु जक ल्यं दनीबलय् शेयर आवेदन सङ्कलन केन्द्रय् हूल मूंगु दु । धुन्चे सङ्कलन केन्द्र झिप्यद्वः व न्यय्न्यागू कालिकास्थान सङ्कलन केन्द्रय् छगू लाख ख्वीस्वद्वः व न्यासः व स्याप्रुबेसी सङ्कलन केन्द्रय् स्वंगू लाख प्यद्वः व पीन्याकु कित्ता शेयरया निति आवेदन दर्ता जूगु दु ।

कम्पनीं रसुवा जिल्लाया निति गुंगू लाख ख्वीद्वः कित्ता शेयर सुरक्षित याःगु दु । थुकि मध्ये योजनापाखें तसकं प्रभावित स्वंगू गाविसयात स्वंगू लाख स्वीखुद्वः कित्ता शेयर प्रतिकित्ता सच्छिं व ल्यं दुगु शेयर झिन्यागू गाँबासीपित स्वसः व नीस्वतका ७० पैसां न्यायेफइ कथं सुरक्षित याःगु दु ।
कम्पनीं कात्तिक स्वंगूगु वालंनिसें न्ह्याकूगु शेयर सङ्कलन थ्वहे २८ गतेतक्क खुल्ला जुइगु नापं जानकारी ब्यूगु खः ।

More Stories Like this