पेट्रोलय् ७ व डिजेलय् ४ तका थकायेत प्रस्ताव

येँ (झीगु स्वनिगः)

नेपाल आयल निगमं पेट्रोल व डिजेलया मू थकायेत सरकार दथुइ प्रस्ताव याःगु दु । सरकारं बजेटपाखें अप्वयेकूगु सतक दस्तुरं घाटा जुयाः वयाच्वंगु धासें निगमं पेट्रोलय् प्रतिलिटर न्हय्तका व डिजेलय् प्यतका थकायेगु निति प्रस्ताव याःगु खः । बजेटं सतक सुधारया निितं धासें पेट्रोलय् प्रतिलिटर प्यतका व डिजेलय् प्रतिलिटर नितका कर कायेगु व्यवस्था याःगु दु । अन्तर्राष्ट्रिय बजारय् कच्चा चिकंया मू थकयाः समस्या जुयाच्वंगु इलय् सतक दस्तुर अप्वयेवं थप घाटा जूगुिलं निगमं वाणिज्य लिसे आपूर्ति मन्त्रालयसं मू थकायेगु निति प्रस्ताव याःगु खः ।
निगमया प्रस्तावकथं मू अप्वयेकल धाःसा पेट्रोलय् खुतका व ७५ पैसा नाफा व डिजेलय् ८० पैसा अझ नं घाटा जुइगु जानकारी ब्यूगु दु ।

More Stories Like this