सम्मेलनं १६गू बुँदे तत्कालिन हस्तक्षेकारी ज्याझ्वः सार्वजनीक
नेवाः स्वायत्त राज्य मंकाः संघर्ष समितिया ग्वसालय् जूगु नेवाः राष्ट्रिय राजनीतिक सम्मेलन नं झिंखुगू बुँदे तत्कालिन हस्तक्षेपकारी ज्याझ्वः घोषणा याःगु दु ।
सम्मेलनं घोषणा याःगु हस्तक्षेकारी ज्याझ्वः थुकथं दु -
१. प्रस्तावित नेवाः राज्यया महानगरपालिका उपमहानगरपालिका नगरपालिका वडा जि.वि.स., गा.वि.स.य् मू कर्मचारी नेवाः वा रैथाने कर्मचारी हे जुइमाः । म्होति नं दक्व थासय् नेपालभाषा सःपिं कर्मचारी जुइमाः ।
२. प्रस्तावित नेवाः राज्यया मस्तय्त स्कूलय् नेपालभाषा विषयगत रुपं व माध्यमया रुपं स्यनेगु व ब्वनेगु जुइमाः । थुकिया निंतिं स्थानीय निकाय्नं स्यनामि व पाठ्यक्रम सफूया निंतिं स्थानीय निकायं अनिवार्य रुपं आर्थिक ग्वाहालि यायेमाः ।
३. स्थानीय जनताया स्वास्थ्यया निंतिं सार्वजनिक निःशुल्क स्वास्थ्य क्लिनिकया व्यवस्था स्थानीय निकायपाखें जुइमाः ।
४. प्रस्तावित नेवाः राज्यं त्वनेगु लः धः लँ सरसफाइया सम्पूर्ण जिम्मा स्थानीय निकायं कायेमाः ।
५. प्रस्तावित नेवाः राज्य ऋम्इ व जिल्ला प्रहरी प्रमुख लगायत थीथी स्थानीय प्रशासन इकाईया प्रमुख नेवाः व बहुसंख्यक कर्मचारीत नेवाः व म्होतिं नं फुक्व कर्मचारीत नेपालभाषा सःपिं जुइमाः ।
६. प्रस्तावित नेवाः राज्यय् नापी मजूथाय् तत्काल नापी यानाः लालपूर्जा बीमाः ।
७. गुथि मठमन्दिर गुम्बा विहार व चर्च मस्जिद गुरुद्वार आदि धार्मिक संस्था व सार्वजनिक जग्गा सम्बन्धित निकाय वा व्यक्ति नापं सहलह ब्याकाः विशेष रुपं संरक्षण व संवर्धन यायेमाः ।
८. मोहीजग्गा विर्ताजग्गा गुथीजग्गा बेनिस्सा जग्गाय् जोताहायात प्राथमिकता बिया समस्यायात याकनं हल यायेमाः ।
९. जग्गा प्लटिङ्ग रोके यायेमाः ।
१०. दीर्घकालिन रुपं असर लाइगु विकास निर्माणया ज्याझ्वः तत्कालयात स्थगित यासें स्वायत्त राज्य निस्वनेधुंकाः स्वायत्त राज्यया आवश्यकता कथं न्ह्याकेमाः ।
११. नेवाः संस्कृतिया संरक्षण आवश्यक कथं न्हूधा यायेत व विकास यायेत स्थानीय जनताया सहभागिताय् स्थानीय निकाय नं हल यायेमाः ।
१२. नेवाः जातिया मुक्ति उत्थान व विकासया निंतिं योगदान बियादीपिंत सम्मान व ग्वाहालि यायेमाः ।
१३. शहिद व वेपत्तापिनिगु सम्मान लिसें वय्कःपिनिगु छेँजःपिंत ग्वाहालि यायेमाः ।
१४. स्थानीय ल्याय्म्ह/ल्यासेतय्गु शारीरिक व मानसिक विकासया निंतिं स्थानीय निकायपाखें अतिरिक्त क्रियाकलापया निंतिं स्थानीय निकायनं ग्वाहालि यायेमाः ।
१५. नेपालभाषा पिदनाच्वंगु पौयात ग्वाहालि स्थानीय निकाय नं यायेमाः ।
१६. लिपि विकास परम्परागत बाजा जात्रा पर्व संक्षरण व संवद्र्धन यायेगु ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
