बृटिश गोर्खा कप म्हिगःनिसें

येँ (झीगु स्वनिगः)

मनाङ मर्स्यान्दी व बाँसबारी क्लबं बृटिश गोर्खा कपय् विजयी सुरुवात याःगु दु । येँया दशरथ रङ्गशालाय् म्हिगः जूगु धेंधेंबल्लाः कासाय् मनाङ मर्स्यान्दी जावलाखेल युथ क्लबयात पाँच - शून्यया अन्तरं बुकूगु दु ।
मनाङया निति सन्तोष साहुखलं नवौं बिसौं व ५१ औं मिनेटय् गोल यानाः ह्याटि्रक पूरा याःगु खः । अथेहे निराजन खड्कां ६१ औं मिनेटय् व निगूगु हाफया इन्जुरी इलय् सुरज मास्कें एक - एक गोल याःगु खः ।
उलेज्या कासाय् बाँसबारी युवा क्लबं सरस्वती युवा क्लबयात ३ - २ गोलया अन्तरं बुकुगु दु । बाँसबारीया निति भोला राईं सातौं व पचपन्नौं मिनेटय् निगू लिसे श्याम नेपालीं तेइसौं मिनेटय् एक गोल याःगु खः । सरस्वती क्लबया निति दुर्गालाल श्रेष्ठ व ध्रुब राईं एक - एक गोल याःगु खः ।

More Stories Like this