प्रधानमन्त्री ला कि पुलांम्ह प्रधानमन्त्री
येँ (झीगु स्वनिगः)
कामचलाउ प्रधानमन्त्रीया हैसियतं एशियाली राजनीतिक दलतय्गु संगठन आइक्याम्यापया सम्मेलय् ब्वति कायेत कम्बोडियाय् हथाय् चायाःवंम्ह माधवकुमार नेपालयात ग्वसाः खलकं धाःसा पुलांम्ह प्रधानमन्त्री धकाः नालाकाःगु दु । संगठनया वेभसाइट दआइक्याप डट ओआरजीइ सम्मेलनय् ब्वति कायेत वःम्ह माधवकुमार नेपाल नेपाःया पुलांम्ह प्रधानमन्त्री नापं एमालेया वरिष्ठ नेता धकाः च्वयातःगु दु । देशय् राजनीतिक गतिरोध ब्वलनाच्वंगु नापं प्रधानमन्त्रीया चुनाव जूवनाच्वंगु अवस्थाय् विदेशय् मवनेत राष्ट्रपति डा. रामवरण यादव व सभामुख सुवास नेम्वाङं तकं इनाप यानादीगु यात बेवास्ता यानाः वय्कः विदेश भ्रमणय् झायादीगु खः । उगु भ्रमणयात माओवादीं सत्ता ता ई तक ल्यंकातयेगु दाउ जक खः धकाः टिप्पणी यानाहःगु दु ।
