थनीनिसें केन्द्रीय कमिटीया मुँज्या

शान्तिया निति अझ लचिलो

येँ (झीगु स्वनिगः)

एकीकृत नेकपा माओवादीया केन्द्रीय कमिटीया मुँज्या थनीनिसें च्वनीगु जूगु दु । माओवादीया विस्तारित मुँज्याया म्याण्डेत कथं वर्तमान अवस्थाय् न्हूगु कथं न्ह्याः वनेगु निति माःगु तयारी यायेत थनीनिसें मुँज्या च्वनेत्यंगु खः । विषेशयानाः माओवादीं शान्ति संविधान व राष्ट्रिय स्वाधिनताया निति माःगु तयारी यानाः वनेगु नाप नापं प्रधानमन्त्रीया चुनावयात कयाः थःपिनिगु न्हूगु पलाःया सवालय् सहलह ब्याकेत अथे मुँज्या च्वनेत्यंगु खः । विस्तारित मुँज्याय् नेता व कार्यकर्तातय्सं ब्यूगु सुझाव नापं अन वःगु खँया आधारय् आः गुगु कथं पार्टी न्ह्याः वनेगु धैगु खँय् नं केन्द्रीत जुइ धकाः धाःगु दु ।

अथे हे केन्द्रीय कमिटीया मुँज्यां दबाव मुलक ज्याझ्वः नं पितहइ धकाः धाःगु दु । थ्व हे दथुइ एकीकृत माओवादीया नायः पुष्पकमल दाहाल प्रचण्डं विस्तारित मुँज्या लिपा माओवादी अझ नं अप्वः लचिलो जूगु दु धकाः धयादीगु दु । शान्ति व संविधानया निति थःपि अझ अप्वः लचिलो जुयागु खः धकाः धयादीगु दु । म्हिगः बुधवाः येँय् छगू ज्याझ्वलय् न्वंवासें प्रचण्डं अथे धयादीगु खः । वय्कलं शान्ति प्रकि्रयायात तार्किक निष्कर्षय् थ्यंकेगु निति अथे लचिलो जुयागु खः धकाः नं धयादिल ।

नायः प्रचण्डं धयादिल गोकर्णय् जूगु गोप्य मुँज्याय् जिमिसं शान्ति प्रकि्रया बारे ठोस प्रस्ताव तयागु खः शान्ति प्रकि्रयायात निष्कर्षय् थ्यंकेत विस्तारित मुँज्यां अझ अप्वः लचकता कथं प्रस्तूत जुइगु खँ क्वःछिनागु दु ।