कछलागा: १३ व १४य् नेवाः राजनीतिक सम्मेलन
नेवाः स्वायत्त राज्य मंकाः संघर्ष समितिं थ्वहे वइगु कछलागा १३ व १४ (मंसिर १७ व १८ गते) थिमिइ नेवाः राष्ट्रिय राजनीतिक सम्मेलन याइगु जूगु दु ।
संघर्ष समितिं थौं येँय् छगू पत्रकार सम्मेलन यानाः राजनीतिक सम्मलेन बारे जानकारी ब्यूगु खः । निन्हु तक जुइगु सम्मेलनय् देय्या न्यय्गू स्वयां अप्व जिल्लाया ५०० स्वयां अप्व प्रतिनिधितय्सं ब्वति काइगु जानकारी ग्वसाः खलकं ब्यूगु दु ।
पत्रकार सम्मेलनय् संघर्ष समितिया नायः नरेन्द्रभक्त हाडां नेवाः राज्यया सिमाना, नेवाः राज्य दुनेया न्यायिक, प्रशासनिक व्यवस्थाया नापं नेवाः राज्य दुने मेमेगू जातिया हक अधिकार, नेवाः राज्य पिने लाःपिं नेवाःतय् अधिकार आदिया बारे मंकाः बिचाः निर्धारण यायेगु ताः तयाः सम्मेलन यायेत्यंगु जानकारी बियादिल ।
न्हापांगु न्हि ख्वप लाय्कुलि सांस्कृतिक जुलुस सहित उलेज्या ज्याझ्वः जुइगु व वयां लिपाः उगु हे न्हि कुन्हु न्हिय् थिमिया बोडे स्थित कृषि विकास बैंकया प्रशिक्षण केन्द्रय् थीथी झिंनिगू पुचः ब्वःथला बन्द सत्र न्ह्याइ । वयां लिपा कन्हय् कुन्हु सहलह पाखें निष्कर्ष पिकयाः छगू तःजिगू घोषणा सभा यानाः सम्मेलनया निष्कर्ष सार्वजनिक याइगु ज्याझ्वः दु ।
पत्रकार सम्मेलनय् एनेकपा (माओवादी)या सभासद् दिलिप महर्जनं नेवाः राज्य नापं संघीय व्यवस्था नेपाःयात एकताबद्ध यानाः यंकेगु निंतिं आवश्यक जूगु धयादिल । अथेहे नेपाली कांग्रेसया सभासद् तिर्थराम डंगोलं थःगु पहिचान सहितया अधिकारया निंतिं नेवाः राज्य आवश्यक जूगु धासें थुकीं सुयां नं अधिकार हनन् मजुइगु बिचाः प्वंकादिल ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
