कष्टकर जुयाच्वंगु दु सतक मस्तय्गु जीवन

ख्वप (झीगु स्वनिगः)

बालअधिकारया विषयसं न्ह्यात्थे हे ज्याःगु तच्वःगु नारा थ्वयेकूसां नं न्हिच्छिइ सतकपेटीइ उखेंथुखें जुयाः च्वनीिपं लाखौं सतक मिसा मचा व मिजं मचातय्गु जीवन कष्टकर जुया वनाच्वंगु दु । फोहरयापाखें कबाडी सामानत मालाः थःगु दिनचर्या शुरुवात याईपं सतक मिसा मचा व मिजं मचातय्गु गुनाच्वंगु भ्वाथःगु लं नयेमखंक प्वाः द्यांलानाः फोहर बोराय् गुटमुटय् जुयाः चा छ्यायेत बाध्य दु । सतक मस्तय्गु निति पर्याप्त पूर्वाधार व स्पष्ट नीति मदुगुिलं नं मस्तय्गु भविष्य जक मजुसे वर्तमान समेत खतराय् लानाः वनाच्वंगु दु । उकिसनं गुलिखय् मस्त गजि अय्लाः चुरोट गम नतुनेगु आदि दुव्र्यसनपाखें गलत लँपुइ उन्मुख जूगु दु । सतक मस्तय्गु अवस्थाप्रति सरकारं ठोस संरक्षण नीति हयेमपुूगु व मस्तय्गु संरक्षणया निितं ज्या यायेगु थीथी सङ्घ संस्थात थःगु स्वार्थ पूरा यायेगुपाखे केन्द्रित जुयाः वनेवं उगु असहाय मस्तय्गु उद्दार जुइमपुूगु जिल्ला बालकल्याण समिति ख्वपया नायः कृष्णेश्वरी हाडां जानकारी बियादीगु दु । सतक मस्तय्गु निितं ज्या याइगु गुलिखय् सङ्घसंस्थातय्सं खाते मस्तय्गु तथ्याङ्क क्यनाः दँय्दँसं विदेश लिसे स्वदेशपाखें डलर कमय् याःसां नं उमिगु भलाईया निितं छु नं ज्या धाःसा जूगु मदु । उिपं ला केबल सङ्घ संस्थातय्त डलर खेती याकेगु ज्यापाखे जक सीमित जुयाच्वंगु खनेदु ।

निदँ न्ह्यः मां मदुम्ह ख्वप सूर्यविनायकया िझंप्यदँया कान्छा लामां धाइ थः मां मदयेधुंकाः बौ नं लिथु मां हल । नकी मखु त्वंकी मखु आखः ब्वंके छ्वइमखु छेँय्या हे ज्या यायेमाः चिरमांया आपालं ल्हाः नयाः छेँय् त्वःताः बिस्युं वयाः सतकय् वयागु खः । लामां चिरमांया ब्व नयेगु व ल्हाः नयाः च्वनेगु स्वयाः बहनी बहनी आनन्दं शहर बजाः चाःहिला छगू बोरा प्लास्टिक जम्मा यानाः उिकं वःगु धेबां नसा नयाः प्वाः जायेकेगु हे आनन्द जूगु बिचाः लामां प्वंकल । ख्वप बसपार्कस्थित फोहर थासय् छपाः ल्हातय् हाकुसे च्वंगु छगू बोरा व मेगु ल्हातय् चीहाकःगु छपु कत्थि ज्वनाः नयेगु नसा मालाः जुयाच्वंम्ह राम तामाङं नं थः मचा तिनिबलय् हे थः मां नं त्वःताः वंगुिलं केहेँ व थः निम्हं सतकय् उखेंथुखें ब्वाँय् जुयाः च्वनेमाःगु दुःखया खँ प्वंकल ।

देशय् न्ह्याक्वः हे सतक मस्तय्गु हितया विषयलय् नीतित लागू यायेगु धयातःसां नं आःतक्क छु नं सम्बन्धित निकायत गैरसरकारी संस्थां लागू यायेफयाच्वंगु मदु छुं पलाः न्ह्याकूगु नं खनेमदु । न्हूगु संविधानय् नं सतक मस्तय्गु हकहितया विषयलय् विशेष व्यवस्था यायेमाःगु खनेदु ।

More Stories Like this