नेवाः सम्मेलनया प्रचार र्याली
ख्वप (झीगु स्वनिगः)
वइगु शुक्रवाः १७ गतेनिसें जुइगु नेवाः राष्ट्रिय राजनीतिक सम्मेलनया निति म्हिगः मंगलवाःनिसें ख्वपय् प्रचार र्याली न्ह्याकूगु दु । नेवाः राष्ट्रिय राजनीतिक सम्मेलन उलेज्या ब्यवस्थापन समिति ख्वपया ग्वसालय् मिनवस पार्कंनिसें कमलविनायक तक माइकिङ यानाः छेँखा पतिकं नेवाः सम्मेलनया पर्चा इनेगु ज्या जूगु दु धकाः व्यवस्थापन समितिया कजि त्रिरत्न शाक्यं धयादीगु दु । अथे हे नेवाः सम्मेलनया झ्वलय् १७ व १८ गते थिमिइ बन्द शत्र जुइगु नापं उकिया निति माःगु कथं तयारी नाप्र प्रचार प्रसार जुयाच्वंगु दु धकाः नेवाः स्वायत्त राज्य मंकाः संघर्ष समिति थिमिया कजि कृष्णलाल गोजां धयादीगु दु । वय्कलं १८ गते बहनी हे सांस्कृतिक झाँकी नापं र् याली व सम्मेलनया घोषणा सभा यायेगु नितिं नं माःगु कथंया तयारी जुइ धुंकल धकाः धयादीगु दु ।
