थौं लिम्बुवान बन्द
येँ (झीगु स्वनिगः)
संविधानसभाय् दुथ्याःगु दल संघीय लोकतान्त्रिक राष्ट्रिय माचं थौं अरुण व सप्तकोशीलागां पूर्वपाखेया गुगू जिल्ला लिम्बुवानु बन्द आह्वान याःगु दु । संघीय गणतान्त्रिक नेपाः दुने लिम्बुवान राज्य दयेकेमाःगु माग यानाः अथे थौं बन्द आह्वान याःगु खः । बन्द आह्वान यानाः म्हिगः मंगलवाः बहनी लिम्बुवानया नीछगूसिबें अप्वः थासं मसाल जुलुस पिकाःगु दु धकाः माचया मू छञ्याजे खगेन्द्र माखेमं धयादीगु दु । उगु माचं झापा सुनसरी धनकुटा तेह्रथुम शंखुवासभा ताप्लेजुङ पांचथर व इलाम जिल्लायात दुथ्याकाः लिम्बुवान स्वायत्त प्रदेश घोषणा यायेमाः धकाः माग यानाः अथे थौं बन्द आह्वान याःगु खः । मण्च आवंलि प्रत्येक महिनाया १४ गते मसाल जुलुस अले १५ गते लिम्बुवान बन्द यायेगु जुइ धकाः घोषणा याःगु दु ।
जेष्ठ १४ गते तक नं लिम्बुवान प्रदेश सुनिश्चित मजुल धाःसा अनंलिपा समानान्तर सरकार दयेकेगु जुइ धकाः नं धया वयाच्वंगु दु ।
