ब्याहाया लागि १२ हजार प्रस्ताव

बलिउडया आइटम गर्ल राखी सावन्तयात ब्याहाया लागि नीन्हुया दुने १२ हजार प्रस्ताव वःगु दु । छगू विवादास्पद कार्यक्रम 'राखीका स्वयम्भर' कार्यक्रम अन्तर्गत वयात थुलिमच्छि प्रस्ताव वःगु खः ।

एनडिटिभी एम्याजिन टेलीभिजनय् राखीका स्वयम्भर नांया छगू कार्यक्रम न्ह्यायेत्यंगु दु । थुगु कार्यक्रमय् राखीयात ब्याहाया लागि प्रस्ताव यायेगु व उपिं प्रस्ताव मध्य् प्रतियोगीता यानाः दक्कले बांलाःगु प्रस्ताव ल्ययाः व मिजंलिसे हे राखीं ब्याहा यायेगु धकाः घोषणा याःगु खः । वहे घोषणा कथं डक्टर इन्जिनियर उद्योगपतिनिसें कयाः सर्वसाधारणतय्सं नं राखीयात ब्याहा यायेगु प्रस्ताव दर्ता यायेगु क्रम जारी हे तिनि ।

राखीयात ब्याहाया प्रस्ताव तयेगु म्याद अझ सिमधःनि । थुगु म्याद मे ५ तक तयातःगु दु । छिं नं थःगु प्रस्ताव दुतिनेगु खः कि?

More Stories Like this